Popular Bible Verses from Bruă Mơnuă 9

Share

Samơ̆ Khua Yang laĭ kơ Ananias tui anai, “Nao bĕ! Kâo hơmâo ruah mă laih pô anai kiăng kơ mă bruă kơ Kâo hăng tơlơi ñu ngă gơ̆ng jơlan kơ Kâo ƀơi anăp ƀing mơnuih Tuai, ƀing pơtao gơñu laih anŭn ƀơi anăp ƀing ană plei ƀing Israel.

Ñu rơbuh ƀơi lŏn laih anŭn hơmư̆ asăp mơnuih pơhiăp kơ ñu tui anai, “Ơ Saul, Saul, lui hĭ bĕ tơlơi kơpĭ kơpe̱t kơ Kâo!” Ñu tơña tui anai, “Ơ Khua ăh, hlơi Ih jing lĕ?” Khua Yang laĭ glaĭ tui anai, “Kâo yơh jing Yêsu, jing Pô ih hlak kơpĭ kơpe̱t anai.

Giŏng anŭn, Ananias nao mŭt pơ sang anŭn. Ăh tơngan ñu ƀơi Saul hăng laĭ tui anai, “Ơ ayŏng Saul, Khua Yang Yêsu, jing Pô pơƀuh laih kơ ih ƀơi jơlan tơdang ih rai pơ anai, pơkiaŏ rai kâo kiăng kơ ih dưi ƀuh glaĭ dơ̆ng laih anŭn tŭ pơdưi yua mơ̆ng Yang Bơngăt Hiam yơh.” Ƀơi mông anŭn mơtam, hơmâo hơdôm gơnam hrup hăng khul akăh akan lĕ trŭn mơ̆ng mơta Saul laih anŭn ñu dưi ƀuh glaĭ yơh. Giŏng anŭn, ñu tơgŭ laih anŭn Ananias ngă baptem brơi kơ ñu.