Popular Bible Verses from Bruă Mơnuă 4

Share

“Tui anŭn, kơnơ̆ng hơjăn Ñu đôč yơh dưi pơklaih hĭ ƀing ta, yuakơ Ơi Adai ƀu hơmâo brơi tơlơi dưi kơ hlơi pô ôh amăng abih lŏn tơnah anai kiăng pơklaih hĭ ƀing ta.”

Tơdơi kơ ƀing gơñu iâu laĭ laih, Ơi Adai rơyŭh anih ƀing gơñu pơjơnum anŭn. Laih anŭn abih bang ƀing gơñu tŭ git gai hlo̱m ƀo̱m hăng Yang Bơngăt Hiam hăng pơtô pơblang boh hiăp Ơi Adai hăng tơlơi khĭn biă mă yơh.

Ră anai, Ơ Khua Yang ăh, pơmĭn ƀlơ̆ng hiư̆m ƀing gơñu hơmâo pơhiăp pơhuĭ laih, rơkâo kơ Ih pơkơjăp bĕ ƀing gơmơi jing ding kơna Ih anai kiăng kơ pơtô pơblang boh hiăp Ih hăng tơlơi khĭn kơtang.

Ñu jing kar hăng “ ‘boh pơtâo ƀing gih, jing ƀing ma̱n sang, hơngah lui hĭ laih, boh pơtâo anŭn hơmâo jing hĭ laih boh pơtâo yom phŭn hloh kơ abih bang boh pơtâo pơkŏn amăng sang anŭn.’

Tơdang ƀing gơñu kơnăl kơ tơlơi khĭn Pêtrôs hăng Yôhan laih anŭn thâo krăn kơ ƀing gơ̆ jing ƀing ƀu hơmâo hrăm hră ôh, kơnơ̆ng jing mơnuih đôč đač đôč, ƀing gơñu dŏ kơtuă biă mă laih anŭn ăt thâo krăn mơ̆n dua ƀing gơ̆ hơmâo dŏ hrŏm hăng Yang Yêsu laih.

Abih bang ƀing đaŏ pơgop pơlir hăng tơdruă hơdrăm hlo̱m ƀo̱m. Ƀu hơmâo ôh hlơi pô yap dram gơnam ñu jing gơnam ñu pô, samơ̆ ƀing gơñu pơpha hrŏm rĭm gơnam ƀing gơñu hơmâo yơh.