Popular Bible Verses from 2 Korinthos 1

Share

Bơni hơơč kơ Ơi Adai laih anŭn kơ Ama Khua Yang ta Yêsu Krist. Ñu jing Ama thâo pap laih anŭn jing Ơi Adai kơ abih bang tơlơi pơtrŭt pơđu̱r. Ñu pơtrŭt pơđu̱r ƀing ta amăng abih bang tơlơi gleh tơnap ta, kiăng kơ ƀing ta dưi pơtrŭt pơđu̱r kơ ƀing mơnuih hlak dŏ amăng tơlơi gleh tơnap hăng tơlơi pơtrŭt ta pô hơmâo mă tŭ laih mơ̆ng Ơi Adai.

Yuakơ anŭn jing kar hăng khul tơlơi gleh tơnap Krist rô bă blai amăng tơlơi hơdip ta, ăt tui anŭn mơ̆n mơ̆ng Krist yơh tơlơi pơtrŭt pơđu̱r ta hơmâo bă blai.

Sĭt yơh, amăng pran jua gơmơi, ƀing gơmơi pơmưn tŭ tơlơi arăng klă̱ kơđi kơ pơdjai yơh. Samơ̆ tơlơi anŭn truh laih kiăng kơ ƀing gơmơi ƀu dưi kơnang kơ gơmơi pô ôh samơ̆ kơnang kơ Ơi Adai yơh, jing Pô pơhơdip glaĭ ƀing mơnuih djai.

Sĭt Ơi Adai yơh jing Pô hơmâo pơkô̆ pơjing laih kơ ƀing gơmơi wơ̆t hăng ƀing gih dŏ kơjăp amăng Krist. Ñu trôč laih ƀing ta, jing Pô pioh gru kơđŏm lŏm kơ Ñu ƀơi ƀing ta laih anŭn Ñu pioh brơi Yang Bơngăt Ñu amăng pran jua ta jing kar hăng gơnam djă̱ kơnăl, pơkơjăp brơi kơ tơlơi bruă khŏm truh yơh.

Wơ̆t tơdah ƀing gơmơi tŭ tơnap tap mơ̆n thâo, anŭn jing yuakơ tơlơi pơtrŭt pơđu̱r hăng tơlơi pơklaih gih yơh. Tơdah ƀing gơmơi tŭ pơtrŭt pơđu̱r, anŭn jing yuakơ tơlơi pơtrŭt pơđu̱r gih, jing tơlơi pơtơbiă rai amăng ƀing gih tơlơi ư̆ añ gir run hrup hăng tơlơi gleh tơnap ƀing gơmơi tŭ yơh.