Popular Bible Verses from Matiyu 5

Share

Lanpui mu radɛxɛma a xa dɔxɔ debe bun ma. A dɔxɔma lanpui dɔxɔse nan fari alako a xa banxi kui iyalan birin bɛ. Wo xa naiyalanyi fan xa yanba na ki adamadie ya ma, alako e xa wo xa kɛwali fanyie to, e wo Baba matɔxɔ naxan na ariyanna.»

Wo maniyaxi naiyalanyi nan na yi duniɲa adamadie ya ma. Taa naxan dɔxɔxi geya fari, na mu nɔma nɔxunde.

Sɛɛwɛ na mixie bɛ naxee bɔɲɛ fiixɛ, barima e Ala toma nɛ a xa fonisireya kui.

Sɛɛwɛ na mixie bɛ naxee wama tinxinyi xɔn, alɔ kaamɛtɔɛ wama donse xɔn ma ki naxɛ, barima e a sɔtɔma nɛ.

Kɔnɔ n tan xa a fala wo bɛ, wo xa wo yaxuie xanu, wo xa Ala maxandi mixie bɛ naxee wo ɲaxankatama.

«Sɛɛwɛ na mixie bɛ naxee e yɛtɛ magoroma, barima e fama nɛ sode Ala xa mangɛya niini bun ma.

Sɛɛwɛ na mixie bɛ naxee lanyi fenma e nun mixie tagi, barima e xili falama nɛ Ala xa die.

Sɛɛwɛ na mixie bɛ naxee wama, barima e fama nɛ madundude.

Sɛɛwɛ na mixie bɛ naxee ɲaxankataxi tinxinyi xa fe ra, barima e soma nɛ Ala xa mangɛya niini bun ma.»

Sɛɛwɛ na mixie bɛ naxee kinikinima e booree ma, barima Ala kinikinima nɛ e fan ma.

«Sɛɛwɛ na wo bɛ e na wo konbi, e na wo ɲaxankata, e na wule nun fe kobi mɔɔli birin fala wo xun ma n ma fe ra. Wo xa ɲɛlɛxin, wo xa sɛɛwa, barima wo baraayi gboma nɛ ariyanna. Beenun wo xa bari, e namiɲɔnmɛe fan ɲaxankata na ki nɛ.»

Sɛɛwɛ na mixie bɛ naxee diɲɛma, bɔxi findima e tan nan kɛ ra.

«Wo maniyaxi fɔxɛ nan na yi duniɲa adamadie ya ma, kɔnɔ xa fɔxɛ mɛxɛmɛxɛnyi bara ba, a fa mɛxɛmɛxɛnma di? A tide yo mu na kɔrɛ, fo a woli tande, mixie ɲɛrɛ a fari.

Na kui, wo xa tinxinyi nun marafanyi xa kamali, alɔ wo naxan toxi wo Baba ra naxan na ariyanna.»

Wo xa nɔndi fala. Xa iyo nan a ra, wo xa a fala ‹iyo›. Xa ade nan a ra, wo xa a fala ‹ade›. Sese sa na xun ma, a fatanxi Sentanɛ nan ma.»

«Wo a kolon wo yamari naxan na, ‹Wo xa ya ɲɔxɔ ya ra, wo xa ɲinyi ɲɔxɔ ɲinyi ra.› Kɔnɔ n tan xa a fala wo bɛ, wo naxa mixi kobi gere. Xa mixi nde wo xɛrɛ garin, wo xa boore sɛɛti fan ti a bɛ.

Xa i yirefan ya findima i ratantanse ra, a ba na, a wɔlɛ. Fate yire nde bafe na, na fisa dinɛ i fate gundi birin wolife yahannama. Xa i yirefan bɛlɛxɛ findima i ratantanse ra, a bolon, a wɔlɛ. Fate salonse nde bolonfe, na fisa dinɛ i fate gundi birin wolife yahannama.»