Popular Bible Verses from Fe Fɔlɔ Fɔlɛ 35

Share

A man naxa a masen a bɛ, «N tan nan na Ala ra Sɛnbɛ Kanyi. N di gbegbe fima nɛ i ma, alako i xa findi si nde benba ra. I man findima nɛ si gbegbe benba ra. Mangɛe fama nɛ minide i bɔnsɔɛ ya ma. N bɔxi naxan fi Iburahima nun Isiyaga ma, n bara a fi i fan ma, a nun i bɔnsɔɛ ma naxan fama i xanbi ra.»

Wo wo yailan, won xa siga Beteli. N xa sɛrɛxɛbade yailan Ala bɛ, naxan a yɛtɛ masen n bɛ n nu na kɔntɔfili kui tɛmui naxɛ. A naxa a ɲɛngi sa n ma fe xɔn n siga dɛnnaxɛ birin.»

Ala naxa a fala a bɛ, «I xili falafe nɛ Yaxuba, kɔnɔ a mu falama na ki sɔnɔn. To xanbi i xili fa falama nɛ Isirayila.» Ala naxa a xili sa Isirayila.

Yaxuba naxa a fala a xa denbaya bɛ a nun a fɔxirabirɛe, «Wo gbilen kuye fe fɔxɔ ra, wo xa wo yɛtɛ sɛniyɛn, wo xa wo xa sosee fan masara.

Ala naxa a masen Yaxuba bɛ, «Keli, i siga Beteli. I xa sɛrɛxɛbade yailan n bɛ mɛnni, n nan n yɛtɛ masen i bɛ dɛnnaxɛ, i nu i gima waxati naxɛ i taara Esayu ma.»

Raxele nu bara lu alɔ mixi faxaxi. A nu a nii magagama tɛmui naxɛ, a naxa a xa di xili sa Ben Oni, «nimisa di.» Kɔnɔ a baba tan naxa a xili sa Bunyamin, «di barakaxi.»