Popular Bible Verses from GENESIS 15

Share

Nagtubod si Abram sa KAGURANGNAN, asin huli kaini, ibinilang nin KAGURANGNAN an pagtubod ni Abram bilang sarong katanosan.

Pakatapos kan mga pangyayaring ini, nagtaram an KAGURANGNAN ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Dangan dinara nin KAGURANGNAN si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Nadangog niya giraray na nagtaram saiya an KAGURANGNAN, “Bako si Eliezer na saimong oripon an saimong magigin eredero kundi an sadiri mong aki.”

Dangan nagtaram saiya an KAGURANGNAN, “An saimong mga kapagarakian magigin mga dayuhan sa bako nindang daga, magigin mga oripon duman asin pag-aapihon sa laog nin kwatro syentos na taon.

Alagad nagsimbag si Abram, “O Kagurangnan DIOS, anong halaga kan itatao mo sakong premyo huli ta mayo akong aki, asin an sakong eredero iyo si Eliezer kan Damasco.

Sa oras na idto nakipagtipan an KAGURANGNAN ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”