Popular Bible Verses from Exodo 5

Share

Pakatapos, nagduman si Moises asin si Aaron sa hade nin Egipto asin nagsabi, “Nagtaram an KAGURANGNAN, an Dios kan Israel, ‘Tugoteng humale an sakong banwaan tanganing magpyesta sinda sa kalangtadan sa pag-omaw sako.’”

Huli ta poon na magdolok ako sa hade asin magtaram sa ngaran mo, pinapasakitan na niya an mga tawo. Alagad dai mo man lamang sinda tinabangan.”

Dangan namibi giraray si Moises, “O KAGURANGNAN, tadaw ta pinapasakitan mo an saimong banwaan? Tano ta sinugo mo pa ako digdi?

“Siisay an KAGURANGNAN na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an KAGURANGNAN, asin dai ko nanggad tutugotan na humale an mga Israelita.”

Alagad piriton nindo sindang maggibo kan dating bilang nin ladrilyo; mayong kulang maski saro. Hinuhugakan sana sindang magtrabaho kaya nakikimaherak sindang tugotan ko na mag-atang sa saindang Dios! Dagdagi nindo an saindang trabaho tanganing mayo sinda nin oras sa pagdangog nin mga kaputikan.”