Popular Bible Verses from Exodo 20

Share

“Ako an KAGURANGNAN na saindong Dios na nagdara saindo sa luwas kan daga nin Egipto, sa luwas kan harong nin kaoripnan. “Dai kamo nin ibang dios na sasambahon kundi ako sana.

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga. Dai kamo magduko sa mga dios-dios o magsamba sa sainda, huli ta ako an KAGURANGNAN na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

“Giromdoma nindo an Sabbath asin pakabanala nindo iyan.

“Dai nindo paggamiton an sakong ngaran nin basang lamang, huli ta ako, an KAGURANGNAN na saindong Dios, mapadusa sa kiisay man na magbasang-basang kan sakong ngaran.

Igwa kamo nin anom na aldaw tanganing gibohon an saindong mga trabaho, alagad an ikapitong aldaw, sarong aldaw nin pahingalo na talaan para sako. Sa aldaw na iyan, mayo nin siisay man saindo na magtrabaho—kamo, an saindong mga aki, an saindong mga oripon, an saindong mga hayop o an mga dayuhan na nag-eerok sa saindong banwa.

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

“Dai kamo magsaksi nin putik laban sa saindong kapwa.

“Dai kamo magdorog sa bako nindong agom.

“Dai kamo maggadan.

“Dai kamo maghabon.