Popular Bible Verses from Baloma 12

Share

Mutailila bukale bwa bantu bakunze, pele Leza asandule mizeezo yenu. Ndilelyo nimukonzha kuzhiba luzando lwa Leza, ngoonaawo mulazhiba shibotu, ushabulondo, ushimubotezha Leza.

Inzho nubakwesu, nkaambo ka luse lwa Leza lunji lunji, ubobo ndamukumbila ati amulipe mibili yenu yoonse kwaamba mube cipaizho cikwete bumi, cisalala, cibotezha Leza. Yezhi njiinzhila iluleme yakukomba Leza.

Amubotelwe mukulanjila kwenu. Kamukwata shamba shenu ciindi ipenzhi lyamushikila. Amuzume kukomba lyoonse.

Mutazundwa ku shibi pe, pele amuzunde shibi u kucita shibotu.

Amufwunane cini cini ukoya bantu babunina mu lushomo. Kamubaalana kutondezha bulemu.

Lufwuno lwenu lutabi bulyo lwakuupaupa amenso. Sula cibi, kakatila cibotu.

Na cilakonzheka, amusoleke kukala muluumuno u bantu boonse.

Nubafwunwa, mutazhola cibi ku muntu, mumuleke bulyo, nkaambo ulakamupa Leza mwini cisubulo mubukali bwakwe. Kayi Malembe alaamba ati, “Amubaleke ndime iimpa cisubulo, ndakabasubula.” Mbwaamba Mwami Leza.

Mukusebezela Mwami, mucite mulutangalo, mutabi bakata pe.

Nkaambo kwiitila munsana nshaakampa Leza mu luse lwakwe, ndamwaambila ati mutalyeensheensha kubaala mbumubele pe. Kwaambisha nkwakuti amuliceshe ukulifwiinsha mu matelaishi kwiingainya umbumubele. Kweendelezhanya u lushomo lolo Leza ndwaapa muntu umwi umwi.

Na muntu wamucitila cibiyabi, mutamubweezhezha. Amucite shibotu kubantu kumenso aabantu boonse.

Amuteelezhanye ciindi coonse. Mutalisumpula, pele amuteelezhanye ubantu bulyo. Mutatelaici ati muli basongo.

Mbukuli bobo, amucite umbona mbuli Malembe mbwaamba, “Na kuti shinkondonoko wafwa inzala, mupe cakulya. Na wafwa inyota, mupe meenzhi akunwa. Nkaambo wacita bobo, ati walundika makala amutwi wakwe.”

Amuleleke babo bamupenzha. Ee, amucite bobo, mutaakushinganya. Amubotelwe u babo babotelwe, amulile u babo balila.

Amwaabane shakuyohwa banamusalazhi nokwenu, ubabo bayina nshibakwete, ulimwi amutambule beenzu u matashi obile.

Nkaambo mbukuli mubili womwi, ulikwete shizo shinji shinji, ubobo shizo shesho shilikwete milimo yaandeene-andeene. Umbona bobo aswe tubashikushoma, nikuba ati tuli banji banji, ubobo tuli mubili womwi mwa Kilisito Jeso. Ubobo tuliswaangene mbuli shizo sha mubili womwi.