Popular Bible Verses from Máàrk 9

Share

Kí á Yésù tacuna ŋgə́ ɨnè: «Wu taá ɓè mɨ fɨ́tɨ ndɨ̀ŋnɨ nɨ́m kù na á à! Mɨ tànà wu, nò du ɓe ə́ə́m sumíì, á sàmàìn ŋgə́ ndɨŋ nɨ́ɨ́b lâs.»

Ɓè mu̧u̧ tá mwɨi kíì ɨ́ tàhô̧ laŋtɨ̧ɨ̧́ ɨnè: «I̧i̧, mɨ ə́əmtɨ́! Ɨ́dù kpɔ́k mɨ ɓetí mɨ á ɓe gôsɨ́m ə́mní!»

Ɓwâ Yésù yi gɨcu yóò, ɓe nɨ̀fuùb noò á cè ŋgáb kɨ́ ŋgáb, ŋgáb ɨ́ fɔ̂ ŋgə́: «Àm níì á nyéhè kɨ́ tɨ yɔ́kce nɨ́ nɨ́m ŋgɨ́nnɨ?» Á ŋgə́ piina ŋgáb ɨnè: «Ɓe mɨ̀yú̧ ɗóò á kùb fɨ́tɨ bɨ́ ŋgɨ́ínɨ kúúŋ nyéhè kíì ru.»

«Mbeè duɓa nɨ́m nyɔ̧ɔ̧́ á, ɨ́dù ɗɨ́ɗóme ŋgéé ɨ́ cɔ̧̂, ɨna á kùb fɨ́tɨ ndɨ̀ŋnɨ ŋgə́ a ɗómcù? Dunáam ɓe ɗɨ́m nyɔ̧ɔ̧́ hȩ mbeè duɓwée nɨ́m nyɔ̧né, nyí a dùɓwê ɓe kúu mwi̧.»

«Nò gam mutí ti ɨnè ɓe ɨ́r moò rɨ, mɨ nɨ̀mɨr á ŋgə́ gam ndu, nò gamce mé, nɨ mɨ nɨ̀mɨr gàmɗóòwá, ŋgə́ gamɓwée nɨ nò tómwo mé á.»

Mɨ tanaɓa nyí àmɨɨr wááŋ á, u̧ á nò kwá na nyí tob mvúmí mwi̧ àm nyí du nùb ók ɓe Krístùù, nò kɨ́ tɨ̀ nɨ sam lɔ̧̂, ŋgə́ ɓa kwànɨ lɔ̀ɔ́ nóò á.»

«Nò kwá njóoré nɨ̀mwi̧ mvókín mucutɨ́b ə́mne mɨ rèè cumí, á nyɔ̧ɔ̧́ péín nò kíì kùb kóllébɨ̂ŋ ŋgə́ jùm kàm kù ya, kùb a lèèrê ŋgə́ mɨ̀kwehɨ̀rí.

Wu ɨ́ pê íí woò á wu gèrénɨ cumí, mvéehó̧kɨ́ɨm ŋgə́, á nyɔ̧ɔ̧́ wu lə́bɨ̂ŋ Haam Mèèín no ɓe íí mwi̧, ɨ́ ndôŋ kɨ́ kùb ɓa wu lèèrénɨ ɓe íí woò bɨrɨ́b lâs wa̧á̧