Popular Bible Verses from Jâŋ 6

Share

Yésù ɨ́ wáànà ŋgáb ɨnè: «Mɨ du cɔŋ du nànɨ mè àmɨrì á. Nò gainwo mé, cɨ̧̀ kwá nɨ ŋgə́ nôm. Nò ə́mne mé, síì kwá nɨ ŋgə́ ndɨ̀ŋ.

Nyéhè Sarîn ɨ́ du nànɨ mè ru, nɨ̀vɨ́tè nɨ̀mɨr sàmàìn kwa mè ɗàà. Nyindí mɨ yi nyinna nyínè ɨ́ du ndɨ̀ŋnɨ nyí kwà Nyéhè Sarîn du nànɨ mèè ru.

Nyí nɨ ə́r ɓe ɨ́r cɔŋ du ɓáàŋnɨ ɓáŋhɨ́nne ə̂r, éínáam ɓe ɨ́r cɔŋ du ɓáàŋnɨ ɗàwáá, duce nànɨ mè mɨ̀cɨ̧̀. Cɔŋ kɨ́, Mwin Nɨ̀rì ɓa nyí nànɨ á. Lɨ̀m Mèín nɨ̀mɨr nò du Táà á ŋgéé só.»

Nò lâs ɗəəŋcu mwin Tá tómworé, ɨ́ ə́mnè mwin kíì, nùb kɨ́ á kwànɨ mè mɨ̀cɨ̧̀, mɨ a sə̀ə̀mcùhô̧ ŋgáb cwéé ye cáŋhȩ̀ ɗɔ̀bí. Àà, nɨ́m Tá moò ɗúré á ná kí yáà.»

Á Yésù piina ŋgáb: «Nɨ́m Mèín ɗú nyí ndɨ̀ŋte du nyí ə́mnɨ̀ nò ŋgə́ yi tómworé á.»

Nùb Tá na mé lâs ɓa mɨ gàìnwònɨ mwi̧í̧ mwi̧ á; nò gainwoce mé, mɨ tɨ̀ mɨ nò kɨ́ lèècée.

Sìmóŋ Píyéèr ɨ́ pììnà ŋgə́ ɨnè: «Kìn wo ɓɔ̧ne ɨ́ du nànɨ mè mɨ̀cɨ̧̀ ru, nɨ́m gàìnndóŋkwàcɨ̀ na.

Mɨ du cɔŋ jáŋ só ɓɨllɨnne á. Nò taŋ cɔŋ kíì ɓa dùnɨ ɓe mè mɨ̀cɨ̧̀ á. Cɔŋ mɨ ɓa nànɨ kɨ́ du síí mɨ nɨ̀mɨ́rí á; mɨ nakɨ́ síí mó kɨ́ u̧ àm nùb ɗɔ̀bɨ́nné a ɓáì á.»

Nò kù sàmàìn gainwo mé ɓè Tá ya tómwo mé du nò kɨ́ njɔ̧̀ nə̀tɨ̀nàwáá ɗàà. Nò kɨ́ cè, ye cáŋhȩ̀ ɗɔ̀bí, mɨ ɓa ŋgə́ sə̀ə̀mcùhó̧nɨ cwéé á.

Ɓetí cɔŋ Tá moò du nàniì du cɔŋ só ɓɨllɨnne duce nànɨ mèè á.»

Mɨ du cɔŋ du nànɨ mè àmɨrì á.

Yésù ɨ́ â bɨ̀rê bɨ rè, ŋgə́ ɨ́ sáktè Mèín, ŋgə́ ɨ́ nà nɨ̀fuùb noò gɔ̀knà nùb yi du ɓè kɨ́, ŋgə́ ɨ́ tà gɔ̀knàɓwê ŋgáb həré. Nùb lâs ɨ́ fùb. Ɓwâ nùb lâs yi fublé, Yésù ɨ́ tànà nɨ̀fuùb noò ɨnè: «Ɓáanáam tèré kɨ́, àm tɨ̀ ɓáaŋndé.»

Ŋgáb yi gɨɓacií sàmàìn kílòmétà ŋgiì ɓe tínmwi̧, ŋgáb ɨ́ pê ŋgə́ ŋgáb gàìnsònɨ ŋgə́ a ɗeisoce mvúmí còóm. Vùù ɨ́ bì ŋgáb. Kí á Yésù tana ŋgáb ɨnè: «Nyí nɨ vùù ô, mɨ á!»