Á Nyéhè Sarîn yi tana Fɨ́lɨ̂b: «Ŋgɨɨsom, wu a ə́ŋhȩ̀ gín màtúwà kíì.» Fɨ́lɨ̂b ɨ́ lùkɔ́ɔ̀sò gín màtúwà kíì, ŋgə́ ɨ́ ô nɨ̀ŋgwá rè á fàìnnɨ káàtà Èsáyà tɨ́kìn Mèèín yi tɨin ndè ɓe kúu còóm. Ŋgə́ ɨ́ fɔ̂ ŋgə́ ɨnè: «Wu maá óknɨ njàb nɨ́m wu du fàìnnɨ kɨ́ à?» Nɨ̀ŋgwá kɨ́ ɨ́ pìhè ɨnè: «I̧ á mɨ fɨ́tɨce óknɨ njàb kɨ́ ɓè nò kù du nɨ́ mɨ tànànyààŋwáá?» Á ŋgə́ ta Fɨ́lɨ̂b wúwò màtúwà̧à̧ gín níì dùrénɨ yáá.