Popular Bible Verses from Luik 14

Share

“If onie man cums tae me, an pits hïs faither or hïs mither, hïs wife or hïs weans, hïs brithers or sïstèrs, ay, or even hïs ain sel afore me, he cannae be ma follaer.

Whaiver daesnae tak up hïs ain cross, an cum eftèr me, cannae be a follaer o mine.

Whaiver sets hissel up as summodie, tha Loard'll brïng hïm doon. Whaiver taks tha hummle place, wull be gien tha place o honour.”

Jist ïn tha same wye, whaiver o yis wull no gie up aa ye hae, cannae be ma follaer.

Jist say yin o yis haes a mine tae big a tooer. Wud he no sït doon furst an coont tha coast, tae see ïf he haes eneuch tae feenish ït? Eftèr he haes püt ïn tha fïttins, ïf he fins he's no able tae feenish ït - aa tha fowk roon aboot wull mak fun o hïm, wull the' no? The' wull say, ‘Thïs man stairtit tae big, an wusnae able tae feenish tha jab!’

But whan ye gie a bïg swaree, caa aa tha puir, tha lameters, tha halt an tha blin fowk. The' cannae pye ye bak, but God wull bliss ye an gie ye yer reward whan he rises tha upricht fowk frae tha deid.”

Saut ïs guid; but ïf ït loasses ïts taste, hoo dae ye mak ït saltie agane? It ïs nether fït fer tha lan ner tha midden; fowk jist clod ït oot. Let hïm that haes ears ïn hïs heid tak tent!”