Popular Bible Verses from Eoin 14

Share

Fágaim an tsíocháin agaibh, tugaim mo shíocháinse daoibh; ní thugaim daoibh mar a thugann an saol. Ná bíodh aon bhuairt ná beaguchtach ar bhur gcroíthe.

Arsa Íosa leis, “Is mise an tsli, agus an fhírinne, agus an bheatha; ní thagann aon duine chuig an Athair mura dtagann sé tríom.

“Ná bíodh buairt ar bhur gcroithe; creidigí i nDia, creidigí ionamsa freisin.

Ach tá an Comhairleoir ann, an Naomhspiorad a chuirfeas an tAthair uaidh i mʼainmse, is é a mhúinfeas gach uile eolas daoibh, agus a chuirfeas i gcuimhne daoibh gach uile fhocal a dúirt mé libh.

An té a mbíonn mʼaitheanta aige agus a choinníos iad, is é an duine sin a bhfuil grá aige dom; agus tabharfaidh mʼAthair a ghrá don té a thugas grá dom, agus tabharfaidh mé féin mo ghrá dó agus beidh mé do mo thaispeáint féin don duine sin.”

Agus iarrfaidh mé ar an Athair Comhairleoir eile a thabhairt daoibh, le bheith agaibh go síoraí buan, is é sin Spiorad na fírinne, an Spiorad nach bhféadann an saol a ghlacadh, as siocair nach mbíonn amharc aige air ná aithne aige air; tá aithne ligthe aige libh, ós é a fhanas agaibh, agus a bheas ionaibh istigh.

Cibé ní a iarrfas sibh i mʼainmse, déanfaidh mé é, ionas go nglóirítear an tAthair sa Mhac; níl ní dá n‑iarrfaidh sibh i mʼainmse nach ndéanfaidh mé.

“Má tá grá agaibh dom, coinneoidh sibh mʼaitheanta.

Is iomaí sin seomra sa teach atá ag mʼAthairse; mura raibh sin amhlaidh, an mbeinn tar éis a insint daoibh go bhfuil mé ag imeacht le háit a ullmhú ann daoibhse?

Agus nuair a bheas mé imithe agus an áit ullmhaithe agam daoibhse, tiocfaidh mé ar ais chugaibh arís agus glacfaidh mé isteach chugam féin sibh, ionas go mbeidh sibh mar a mbím.

Dúirt Tomás leis, “A Thiarna, níl a fhios againn cá bhfuil tú ag dul; conas is féidir eolas na slí a bheith againn?”