Popular Bible Verses from ROMA 11

Share

Hin sɛw fu̧u̧ a ge, gii gi kaŋkugo, wɛɛ gi wɛɛk a ge. Gbɔlums gi a ge faa. Aanbɔ!

À Bɛt rɔɔsɔ tɔɔ nɛ ri! Hinɔkɛŋki hi hinmɛɛkɔ hi dub nɛ ri! Dɔgl-gbaakɔ wɔ hi gbɔnɔ ɔ̧ɔ̧ wɔ hi ɓaaɓa wadilgo ɔ̧ɔ̧!

Anyɔ hi bi̧i̧ a Bɛt ɗɛɛrwol du: a bɔ mɛɛ Waar Bɛt Mɔkilɔ? Zaabe bɔ ginɛ dɔgl-gɛmsigya ɔ̧ɔ̧?

Gi anbɔ a waabil wɛ yɔ ɓɔryɔ gedu, Bɛt sɛ̧ɛ̧ doo hi zɛ̧ɛ̧r hi giro anyɔ gɛmsilɔ herɔ. Nɛ Bɛt gii her dood wɔ a rɔbgɔkɔ bɔ gi dɔŋgo, herihi a wooswookya̧ bɔ gi dɔŋg gɛ. À herihi nɛ a wooswookya̧ bɔ gi dɔŋgo, yɔ hi dag dɔɔrɔɔsya̧, wɛɛ Bɛt rɔbgɔkɔ bɔ dɔglɔ taadu.

Dood Israhilaya wɔ hi gi an kɔ̧ɔ̧b yɔ hi dɛ̧ɛ̧l ya̧a̧nɔ wɔ; mɔɔyɔ mɔ gi dɔ̧ɔ̧t za dɔɔmi, mɔ gi an tɛ̧ɛ̧ hɛtum za ha̧a̧l waahams yɔ hi yɛn a lɛlyɔ hi dɛ̧ɛ̧l wɔrɔ ge, mɔ ɔks hi hii a kɔ̧ɔ̧byɛ̧ɛ̧s bɔ tɛŋkɔ gedu mɔ dak tɛŋk gɔ. Yɔ anbɔ taa an mɔ wɛɛ mɔ see waahams wɔ hi gbohi an hintɔs. Mɔ taan gbɔnɔ an mɔ pɛɛ zulɛ. Bɔmɔ mɔk a mɔɔ gi pɛɛk tɛ̧ɛ̧yɛ̧ɛ̧sɛ, tɛ̧ɛ̧yɛ̧ɛ̧s gii gi mɔɔ pɛɛko!