Popular Bible Verses from MARKUS 13

Share

Dood sɛw lɔlya̧ gí bɛtin hi nɛɛ gɛ a be dɔŋgo. Yɛrɛ za̧a̧nyɔ gɔ gi mɔm ya̧a̧rhant a be dɔŋg gi tuur a waal da̧a̧ki gi za̧a̧.

Ɓaanɛ, oonɛ; anyɔ nɛ́ mɛ̄ɛ̄ ɔ̧tɔ zaakɔ gɛ.

Gɔ hi wa̧a̧n an hi ka̧nɛ a dɔglyɛ̧ɛ̧k luk du, bɔ kol gi tuunɛ a hinyɔ gɔ nɛ dɔg geha doosi. À lɛlɔdi dɔgin hinyɔ gɔ gí zaasin kpoos ha giya. Gɔ gi anbɔ nɛɛ taa hinɔ dɔk hi zul nɛ, Bɛt Mɔkilɔ gii gi dɔko.

Bɛtha hi hɛbtdi hi talɔ, yɛrɛ dɔgl be taa talko.

Yɛrɛ doo za mɛ̄ɛ̄ ɔ̧t yɔ̧ɔ̧sum bɔ zaakɔ gɛ; Bɛt walɛsɛrɛ wɔ bɛtha hɛw hí mɛ̄ɛ̄ gɛ. Baa Bɛt gi gbun mɛɛ ɔ̧tyɔ waal gɔ gi da̧a̧ du ɔnɛ.

Gɔ nɛ kɛm a nɔk giro, hí wɛɛ hí book nɔk zaadɛ ramsɛ, bɔ hoob gi ha̧a̧nɛ; yɔ anbɔ gi an hinɔ gi tuurɔ, wɛɛ hinɔ taa waal da̧a̧k kete.

Yɔ anbɔ, kɔmbin nɛ oo anyɔ nɛ́ mɛ̄ɛ̄ ɔ̧tyɔ za̧a̧n raatya bɔ gɔ gi zaa du gɛ. Kɛnsa gi zaa a lɛɛsig du, kɛnsa yɛms tees du, kɛnsa bi̧i̧l teeyɔ, kɛnsa bi̧i̧l du. Gi zaa ɓɔrbɔ be, an bɔgi zɛ̧n yoom du. Hinyɔ be gisin dɔkyɔ be dɔksig dood sɛw, oonɛ!

Waal gi ɗuk gabs a waal za zulha, waar gi ɗuk gabs a waar za zulha, hɛbtnamlik gí gi a lɛl zaadɛ sɔmsɔm. Tɔs gí giro. Hin wɔrɔ sɛw gí gi an waamɔɔk kosgumn yɛɛlikyɔ.

Gi an Dɔgl Rɔb bɔ gi dɔgiy a waal du doosi ɓɔr waal gi ɔɔ da̧a̧ko.

Dood kittɔnɔ hí zaa a be nuŋg du hi raa a hii giya! Hí wɛɛ hí maat dood kittɔnɔ.

Yɛrɛ nɛya ɓaasin muul nɛ. Gɔ gi anbɔ dood zaadɛ hi ka̧nɛ a dɔglyɛ̧ɛ̧k luk du, hi ɓaan a mɔksilluk wɔ duge. Hi ka̧nɛ a dood nabl wɔ hi muutdu, hi waar ɛ gbɔlɛ wɔ hi muutdu a be dɔŋgo an nɛ dɔg hinyɔ tursin hi rɔbo a hi muutdu.

Masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi zu̧u̧n hinmɛksingoya hi gɛrs an hi maatin dood wɔ Bɛt sɛ̧ɛ̧hi hɛw, gid hi ɗɛɛ hinɔ wooko.

Yɛrɛ a ɔ̧tɔ ge ɔ̧t ya̧a̧rhantya bɔ gɔ gi talɔ, ɔ̧t gi nimɔ, sɛɛ taa buul gaako, sɛwaat hí mɛlz a bɛtha, wɛɛ tɛŋk wɔ hi gi bɛtha hí bee.