Popular Bible Verses from LUKA 6

Share

Gaan dood hinɛ Bɛt gi wɛɛ gi gaan be. Hi kpesin hin a gbandil nɛ ziba gbɔɔl bɔ gedu an gi hi̧i̧sɔ, hi nams bɛttɔnɔ hi ziŋgɔ, hi wɛɛ hi kpel zaa ha an gi gubɔ. Ya̧a̧nɛ Bɛt gi goo hinrɔb nɛ a kɔlwaa yɔ gɔ nɛ gonsig dood zaadɛ hin gedu.

Doo rɔbo gɛ gɔ tuus hin rɔbɛ a rɔɔs rɔb yɔ gi fu̧u̧zig a gi kpoos duge; wɛɛ doo ha̧a̧lɛ gɛ gɔ tuus hin bɔbtini a hinha̧a̧l yɔ gin a gi kpoos du gedu be. Ya̧a̧nɛ ya̧a̧ gɔ gi tuusig hinyɔ hi̧i̧s a kpoos du giya.

Yɛrɛ yɛgi ha̧a̧nɛ a dood wɔ hi gin lɔlhɛ̧ɛ̧nik hi muulɛ. Woon hinrɔbo, gaan hinɛ, bɔnɛ mɔk a hi wɛɛ hi wɛnsib hinza. Yɔ anbɔ dɔɔrɔɔs nɛ gi tɔɔ, nɛ wɛɛ nɛ wɛɛ Bɛt Yɔ Gi Gbɔɔl Gi Daarlɛl waatɔ. Ya̧a̧nɛ Bɛt gɔ wòòs dood wɔ gɔ hi baanig gɛ hi dood bɔbtin wɔ hii rɔbo.

Wɛɛn ya̧a̧rmɛɛk-yaadɛ an Baa nɛ Bɛt yɔ gi ya̧a̧rmɛɛkya be.

Nɛ́ gbāās dood dɔgl gɛ Bɛt taasin dɔgl gbaak be. Bɔnɛ wa̧a̧n dood dɔglɛ, an bɔ Bɛt gi wa̧a̧nin dɔgl be. Bitsin dood hinha̧a̧lya̧, Bɛt gi bitsin hinha̧a̧l nɛ be.

Yeesu wɛɛ raa: a yɛrɛ be dɔksinɛ, wɔ nɛ gisib dɔgl be lako: yɛgi ha̧a̧n dood wɔ hi gin lɔlhɛ̧ɛ̧nuko. Gɔsin dood wɔ ha̧a̧hi dɔgl nɛ gɛ rɔbo. Rɔbsin dood wɔ hi gisin gɔk booto. Zɔ̧bsin dood wɔ hi gin ya̧a̧rha̧a̧nik Bɛto.

Hinyɔ ha̧a̧nɛ an dood hi woosinɛ, woosinɛhi anbɔ be.

Doo gi dɛmɔ a wɛktya̧, wɛɛm mɔ zɛmrsig zaa bɔ hɛw; doo za gi loo gbandil mɔ gbɔɔl yɔ mɔ gin muulɛ, bɔmɔ yansig gbandil wans bɔmɔ gin buudu lookɔ. Gaam za̧a̧nyɔ ɛrum hinɛ; wɛɛ za̧a̧nyɔ wɔɔ rɔɔs mɔ, bɔ mɔ fɔbɔ.

Tɛ̧ɛ̧ rɔb gɔ hum humlɔ ha̧a̧l gɛ; tɛ̧ɛ̧ ha̧a̧l be gɔ hum humlɔ rɔb gɛ be.

Tɛ̧ɛ̧ yɔ gi sɛw gɔ hi mɛɛnig humlɔ bɔ giya. Gɔ hi ha̧b yɔmnt huml a kobs muul gɛ, wɛɛ gɔ hi ha̧b inaboohi a tɛ̧ɛ̧ kobs muul gɛ.