Popular Bible Verses from Salamo 37

Share

Ary miravoravoa amin’i Jehovah hianao, Dia homeny anao izay irin’ny fonao.

Ankino amin’i Jehovah ny làlanao, Ary matokia Azy, fa hataony tanteraka.

Miantombena tsara miandry an’i Jehovah hianao ka manantenà Azy; Aza tezitra amin’izay ambinina amin’ny làlany, Dia amin’izay olona manao sain-dratsy.

Matokia an’i Jehovah hianao, ka manaova soa, Dia honina amin’ny tany hianao ka ho faly amin’ny fahamarinana.

Avy amin’i Jehovah no mahalavorary ny dian’ny olona, Ka Izy no mankasitraka ny làlany. Na dia lavo aza izy, tsy dia mikarapoka, Fa Jehovah no mitantana azy.

Ary hampiseho ny fahamarinanao tahaka ny mazava Izy, Ary ny rariny ho anao tahaka ny mitataovovonana.

Mitsahara amin’ny fahatezerana, ary mahafoiza ny fahavinirana; Aoka tsy hirehitra ny fahatezeranao, fa ratsy no hiafaran’izany.

Efa mba tanora ihany aho, ary efa antitra ankehitriny; Fa tsy mbola hitako izay marina nafoy, na ny zanany mangataka hanina.

Nataon’i Davida. AOKA tsy hirehitra ny fahatezeranao noho ny amin’ny mpanao ratsy; Ary aza mialona ny mpanao meloka