Popular Bible Verses from 2Mpanjaka 6

Share

Ary Elisa nivavaka hoe: Jehovah ô, mifona aminao aho, ampahirato ny masony mba hahitany. Ary Jehovah nampahiratra ny mason’ilay zatovo; ary dia nahita izy, ka, indro, ny tendrombohitra feno soavaly sy kalesy afo manodidina an’i Elisa.

Ary hoy Elisa: Aza matahotra; fa ny momba antsika dia be nohoo ny momba azy.

Ary rehefa nifoha maraina koa ny zatovon’ny lehilahin’Andriamanitra ka nivoaka, dia, indreo, nisy miaramila sy soavaly ary kalesy manodidina ny tanàna. Dia hoy ilay zatovo taminy: Indrisy, tompoko! Ahoana no hataontsika?

Dia nidina nankany aminy ireo, ary Elisa nivavaka tamin’i Jehovah ka nanao hoe: Mifona aminao aho, ataovy manjambena ireto olona ireto. Ary dia nataony manjambena ireo araka ny tenin’i Elisa.

Ary hoy ny lehilahin’Andriamanitra: Taiza no nahalatsahany? Dia natorony azy izay nahalatsahany. Ary Elisa nanapaka hazo, ka natsipiny teo, dia nitsinkafona ilay lela-famaky.

Fa nony nikapa hazo ny anankiray, dia latsaka tany anaty rano ny lela-famaky; ka dia nitaraina hoe izy: Indrisy, tompoko, nindramina iny.

Ary hoy izy: Indro, raisonao izy. Dia narosony ny tànany, ka noraisiny.