Popular Bible Verses from Luka 11

Share

Ngenge ngic aibabangineng sowacneholec gacaigaing. Ailu sifu adu-madecfocngineng kwele-madicte wiyac madicne yelenogale ngage-motogaing. Ilec ngenge yanguc ngagedaing, Honocmeng Mamacnginengte aibabadi ngengele aibaba madicne yogo ewaliyackegac. Ngenge yela Tili Asule uwacnobong yedi taockelu Tili Asu ngeledaicte.”

“Ilec ailu yanguc migabac, milockening, aime yedi wiyac ngeledaicte. Nga basackening, ailu bafuwadaingte. Nga nuwa holening, aime ye nu laliyedaicte.

I yangucte, monic ye milockelu gagac, yedi wiyac badaicte. Nga monic ye basackelu gagac, yedi wiyac bafuwadaicte. Ailu nuwa holelu gagac, ye nu laliyecnodaicte.

Mime Yesudi miwec, “Ngenge yanguc milu milockedaing. ‘Mamac, ga wacgone gbagbacne fadaic. Aime ngani-damonggone welenoledaic.

Nonge ngic yengele bikic hegilegabeleng. Ilec gagi inguchac bikicnonggeng hegilenolenong. Ga lokwesacka mi locnubadamec.’ ”

Ga hadengsoc nosing socnonggeng noledamec.

Aime dongegonedi socgonele hifa aigac. Aime dongegonedi madicne fame socgone sasawa bame angoleyackegac. Nga ga donge-heloc me donge-sowac balu gadamecte, me dongegone sowaledaictewabac, soc-kwelegone kundung kweyackedaicte.

“Monicti hifa kwendangkelu sangke-sangke me pakec bageina nalic mi lodaicte. Ye hifa yogo mac ngiye-ngiyeina lome ngiyeme angocina ngic-ngigac yenge ofelu angocine nganidaingte.