Popular Bible Verses from FILIPIƐN 2

Share

K’ɛ́nɛ́ we zu nɛ̀ ŋmaa duk nɛ̀ tɛ‘nɛ́ na, ɓɛɛ ɛ̀nɛ̀ dé mɔ nɛ̀ mɔka-see in o ŋmaa. Ɛ̀nɛ̀ zɔ́k o dɔka bíí hee o gasawi k’ɛ́nɛ́ ga. Ká o ndé kii nɛ́ mɔ kɔ‘i ɓɛɛ na, ɓɛɛ a̧ a̧ kíí mɔ wen o dɔka bíí mbɛt.

Ɛ̀nɛ̀ dúk nɛ̀ de taamɔ mgbara ŋmaa hee ko Krist ga

Kiitɛ-a kpɔk in ko Sɔ̧, ɓɛɛ taamɔ kɔ̧-a̧ bó nɛ́‘e, nyɛma ŋmaa in Sɔ̧ a̧ a̧ tɛ́ kii na. A̧ ee mɔ kɔ̧-a̧ lɛŋ duk ba nɛ̀ fara hee wi-de-tom ga, ɓɛɛ a̧ kifi duk hee bíí ga. Sɛn tɛ zɔka a̧ ɓɛɛ wi iŋa'e a̧ nɛ́ bíí. A̧ mɔka see-aa, mbo nɛ̀ zu hegɔ hɔ tɛ fio, fio wan mɛ́ zu te-diŋa.

wen nɛ́ Sɔ̧'ɔ̧ de tom tɛ‘nɛ́ h’ɛ́nɛ́ mɛ́ kpɛk mɔ, ɓɛɛ ɛ́nɛ́ dee mbɛt nyɛm nɛ̀ ɗoŋ ee-zu-mɔ kɔ̧-a̧.

Mɛ̀ nɛ́ wen hegɔ sa Sɔ̧ ba a̧ e tɛ mgbák gasa fara, ɓɛɛ a nin nɛ̀ gana o dɔka nin lɛŋ ha̧ a̧, wen ha̧ kóó o ndé nɛ̀ duk yiwese, kóó zaŋnu’ɛ, in o wan mɛ́ ɗɔɔ nù mbɛt, mɛ́ gbɛ zugur nù nɛ̀ nin-a, ɓɛɛ ha̧ ndàrá-nú bíí lɛŋ mɛ́ tɔ̧‘e, Gasa Wan nɛ́ Jesu Krist, zɔn nɛ̀ Sɔ̧ Dáà.

K’ɛ́nɛ́ dé mɔ nɛ̀ ku̧i̧amɔ in sii-kafɛ na, wen h’ɛ́nɛ́ mɛ́ ya nɛ́ o bíí nɛ̀ wen bo zu wa na, nɛ̀ war-tɛ ɔ sa̧a̧, nɛ̀ ya nɛ́ o bem ko Sɔ̧ nɛ̀ ɗaŋmɔ bó tɛ-wa na sɛn mgbara ɗaŋ kpar-bíí-de-ndela. Gun sa̧a̧mɔ zu nù'ɛ a̧ tɛ́ nɛ̀ tɛ‘nɛ́

Mɛ̀ nɛ́ wen hegɔ, o wi n'am kɔ̧ɔ̧ nyɛmna, ɛ́nɛ́ nɛ̀ mbo so zu ɓɔnsɛnɛ, ɛ̀nɛ̀ mbó zu, bó nɛ́ wen yí‘m ɓɛɛ na, ɓɛɛ kinii gan batɛ ŋgimbi n'am bo mgbara'nɛ́ na mbɛt. Ɛ̀nɛ̀ dé tom nɛ̀ kíì in naka-tɛ h’ɛ́nɛ́ mɛ́ kpasi