Popular Bible Verses from MARK 14

Share

A̧ tɔ̧a̧: «Aba, Dáà, ɛ́nɛ́ nyɛma mɛ de mɔ lɛŋ, ɛ̀nɛ̀ bá be-ɗele-bɔnɛ'ɛ yinɛ zu'm; ɓɛɛ bó nɛ́ hee mɔ'ɔ n'am kɔ̧ɔ̧ ga na, nɛ́ hee ɛ́nɛ́ kɔ̧ɔ̧ ga!»

Ɛ̀nɛ̀ pɛ́m mɔ, ɛ̀nɛ̀ kɔ́fí Sɔ̧ wen ká weamɔ tɛ́ɛ̀ gan'nɛ́. Taamɔ ko bíí kɔ̧ɔ̧ mɛ de mɔ, ɓɛɛ kiitɛ-wi kpa ŋgai na.»

Nɛ́ kpasawen a̧‘m tɔ̧ h’ɛ́nɛ́; fara lɛŋ nɛ̀ bíí tɛ tɔ̧ De Mbe Wen sɛnɛ dam zaŋnu lɛŋ, wa tɛ we ɗoŋ mɔ nɛ̀ kóò'ɛ dee ha̧‘m kinii’ɛ, ha̧ tɛ bíí mɛ mbaŋ ɗoŋ-aa.»

A̧ tɔ̧ɔ̧ ha̧ wa: «See-am ɔ dita hee mi tɛ fe fee ga. Ɛ̀nɛ̀ yá hɛ̧ɛ̧, ɛ̀nɛ̀ pɛ́m mɔ.»

Wa nyɔŋ nɛ mɔ, ɓɛɛ Jesu ba brɛt; ɗoŋ n'aa dee osoko ha̧ Sɔ̧ kaɗi, a̧ gbina ha̧ ha̧ wa, ɓɛɛ a̧ tɔ̧: «Ɛ̀nɛ̀ bá, mɔ'ɔ nɛ́ kiitɛ‘m.»

Hɔ-ɗoŋ-aa, a̧ baa be-ɗele, a̧ dee osoko ha̧ Sɔ̧, ɓɛɛ ha̧ ha̧ wa, ɓɛɛ wa nɔ dam wa lɛŋ. Nɛ́ mɔ'ɔ n'aa tɔ̧ɔ̧ ha̧ wa: «Mɔ'ɔ nɛ́ tɔk-tɛ‘m, wan mɛ nɔɔ-tɔk nɛ̀ aa nù wen o bíí nɛ̀ dɔka-a.

Ɓɛɛ Jesu tɔ̧ ha̧ wa: «Ɛ́nɛ́ tɛ yambali lɛŋ wen Yɔramɔ tɔ̧ɔ̧ so'e: ‹Mi tɛ gusi wi-dai-sami, ɓɛɛ o sami tɛ pɛsi.›

Ɛ̀nɛ̀ kúr, ɛ̀ɛ̀ yák! Wi-e-ɗɔra tɛ‘m hɔɔ kaɗi!»

Jesu kifa nú ha̧ a̧: «Kɔ-mɛ, mi tɔ̧ nɛ́ kpasawen ha̧ mɛ, sɔsɔɔ‘i, mɛ zɛ hɛ̧ɛ̧, mɛ tɛ kaf'am war taar sɛka gata-kɔra hee mɔ war yiitoo.»