Popular Bible Verses from HEBREU 12

Share

Hegɔ war k’ɛ́ɛ́, hee mɔ'ɔ nɛ̀ gíí o wi-sedaako a̧a̧ sɛnɛ zik yɛ ga, ɛ̀ɛ̀ síŋ o tui a nù lɛŋ, in ɗaŋmɔ nɛ̀ ɓan na, ndaɗa tɛ̀ yɛ'ɛ, ɓɛɛ ɛ̀ɛ̀ má yi nɛ̀ kpee-see tɛ yuwar nɛ̀ duk ti yɛ‘i. Yí-ɛɛ a̧ dúk ɓɔn tɛ̀ wi nɛ̀ de ha'i mɛ́ kpa kɔ̧ɔ̧ɗɔɔwen de nɛnɛ ha'i mɛ́ nyɛm sɛnɛ. Wi’ɛi nɛ́ Jesu nɛ̀ ee kpaa desee kɔ‘i dúk; a̧ kpɛka fio, ɓɛɛ foe wen búù nɛ̀ ba wi nɛ̀ fe zu te-diŋa de a̧ na, ɓɛɛ a̧ duk nù ká̧ damti ko Sɔ̧ nɛ̀ war wii-er.

Gusa-wi lɛŋ bó nɛ́ mɔɔ-desee tɛ ŋgimbi-a na, mɛ̀ nɛ́ mɔɔ-tu̧u̧-see; ɓɛɛ nɛ̀ ɗoŋ, waya mɔɔ-oi-gusa-wi'i nɛ́ ga̧a̧mɔ in deemɔ nɛ̀ yuwar-a mbɛt.

Ɛ̀nɛ̀ kíí h’ɛ́nɛ́ mɛ́ duk tɛ̀ ga̧a̧mɔ in o bíí lɛŋ, ɓɛɛ ɛ̀nɛ̀ kíí ha̧ war-tɛ‘nɛ́ mɛ́ sa̧ mbɛt, wen kà bó hegɔ na, wi beka zɔk Gasa Wan na.

Ɛ̀nɛ̀ tá mɔ wen wi nɛ̀ nɔɔ só ŋgiɗi zu pɛrti sɛnmɔ ko o ɗaŋwi hegɔ, wen ká dita-see tɛ̀ɛ́ ba ŋgai k’ɛ́nɛ́ na.

Hee mɔ'ɔ n’ɛ̀ɛ̀ tɛ́ ye zaŋ wan ko Sɔ̧ nɛ̀ duk mgbítíŋ ga, ɛ̀ɛ̀ dé osoko ha̧ a̧ tɛ yuwar mɔ nɛ̀ dee tɛ a̧ nɛ̀ yuu kíí Sɔ̧ in nɛ̀ dee kíí a̧.

Bɔnɛ n’ɛ̀nɛ̀ zɔk'i, nɛ́ wen h’ɛ́nɛ́ mɛ́ iŋ mɔ; Sɔ̧ de mɔ in'nɛ̀ɛ́ hee mɔ'ɔ nɛ̀ dáa-wan-bem de nɛnɛ in bem kɔ‘i ga. Ŋma bem nɛ̀ dáà gusi na so sɛnɛ?

Wen Sɔ̧ k’ɛ́ɛ́ nɛ́ ŋga wee-dɔ-mɔ.

O dáà k’ɛ́ɛ́ mɛ́ zaŋnu’ɛ gusa yɛ tɛ ŋma be ŋgimbi nyɛm nɛ̀ ɗoŋ taamɔ kɔ-wa, ɓɛɛ nɛ̀ war ko Sɔ̧, kà a̧ gúsí yɛ, mɛ̀ nɛ́ wen gbaka yɛ, h’ɛ́ɛ́ mɛ́ kpa duka-a nɛ̀ sa̧a̧-a̧ hee war kɔ̧-a̧ ga.

Tɛ́ biro n’ɛ̀nɛ̀ bí in ɗaŋmɔ, tɔk-tɛ‘nɛ́ tɛ́ a nù hɔ̧ɔ̧ na