Popular Bible Verses from HEBREU 11

Share

Kɔ̧ɔ̧ɗɔɔwen nɛ́ yuwar kpaa mɔ nɛ̀‘i e nɛ̀ ta kaɗi, nɛ́ yuwar iŋa mgbák mɔ nɛ̀‘i tɛ́ zɔk hɔ̧ɔ̧ na. Nɛ́ kɔ̧ɔ̧ɗɔɔwen a̧ duka nɛ́ de sedaako wen o bíí ɓeemɛ.

Kà kɔ̧ɔ̧ɗɔɔwen bó na, bíí nyɛm mɛ́ de tɛ́ Sɔ̧ na. Wen wi nɛ̀ kɔ̧ɔ̧ mɛ́ ɗɔŋ si katɛ Sɔ̧, tɛ́ kɔ̧ ɗɔaa'e, Sɔ̧ a̧a̧ sɛnɛ, ɓɛɛ Sɔ̧ tɛ́ ha̧ mɔɔ-oi kia a̧ ha̧ o bíí nɛ̀ kii a̧.

Nɛ́ tɛ kɔ̧ɔ̧ɗɔɔwen ɛ́ɛ́ iŋa nɛnɛ‘e Sɔ̧ dee o mɔ tɛ̀ tɔ̧́ɔ̧́-wen kɔ̧-a̧. Hegɔ nɛ́ tɛ́ mɔ nɛ̀‘i zɔk na a̧ Sɔ̧ dee nɛ̀ mɔ nɛ̀‘i zɔk’ɛ.

Nɛ́ tɛ kɔ̧ɔ̧ɗɔɔwen a̧ Abraham kɔ̧ɔ̧ so nɛ̀ sara mɛ́ kur yak si ŋma nù nɛ̀ Sɔ̧ ha̧a̧ nú mɛ́ ha̧ ha̧ a̧ nɛ̀ mɔɔ-oi, ɓɛɛ a̧ kur yak si ŋma fara n'aa iŋ na. Ɓɛɛ nɛ́ tɛ kɔ̧ɔ̧ɗɔɔwen á̧ à̧ nɛ̀ɛ́ duk nɛnɛ tɛ́ nù nɛ̀ Sɔ̧ ha̧a̧ so nú zu-a ha̧ a̧, hee ŋma gɛnɛ ga. A̧ duka hi̧i̧ ɔ nɛnɛ kɔ̧ tua-laa, in Izak ká bá nɛ̀ Jakob, o wi nɛ̀ kpaa so kale kpɔk ha̧a̧nú‘i mbɛt.

Sɔ̧ mbaŋa só tɛ́ Nɔe zu ŋma mɔ nɛ̀ bíí tɛ́ zɔk so nɛti na, ɓɛɛ nɛ́ tɛ̀ kɔ̧ɔ̧ɗɔɔwen á̧ à̧ ee nɛ̀ wen'i tɛ́ kpasawen; nɛ́ mɔ'ɔ n'aa ɗafa kombon wen kpasa o bíí kɔ̧-a̧. Nɛ́ tɛ kɔ̧ɔ̧ɗɔɔwen á̧ à̧ gɔna nɛ̀ kita zu nu, ɓɛɛ a̧ kifi duk wi-de-mɔ nɛ̀ yuwar-a nɛ‘i kpa nɛ̀ ɗoŋ kɔ̧ɔ̧ɗɔɔwen.

Nɛ́ tɛ kɔ̧ɔ̧ɗɔɔwen ko Enɔk a̧ Sɔ̧ baa nɛ̀ Enɔk si yiwese mɛ̀ wen ká a̧ tɛ́ɛ̀ fe; wa kpa so a̧ na, wen Sɔ̧ baa a̧ yaknɛ. Nɛti ha̧ Sɔ̧ mɛ́ ba a̧ yaknɛ, Sɔ̧ dee sedaako zu a̧‘e, Enɔk dee tɛ-wi.

Nɛ́ tɛ kɔ̧ɔ̧ɗɔɔwen a̧ Abɛl ɗafa nɛ̀ Sɔ̧ nɛ̀ de-a gan ko Kain, ɓɛɛ nɛ́ mɔ‘i a̧ dee ha̧ Sɔ̧ mɛ́ zɔk Abɛl hee wi-de-mɔ nɛ̀ yuwar-a ga, ɓɛɛ a̧ kpɛk ha̧a̧mɔ kɔ̧-a̧ nɛ̀ de-a. Mɛ̀ nɛ́ wen zu kɔ̧ɔ̧ɗɔɔwen kɔ̧-a̧, nɛ̀ oi fea-a'i, a̧ Abɛl tɔ̧ nɛ̀ wen h’ɛ́ɛ́ hɔ kinii.

Nɛ́ tɛ kɔ̧ɔ̧ɗɔɔwen a̧ Sara mbɛt baa nɛ̀ zaŋ tɛ̀ sɔ́kì kɔ‘i, wen taamɔ kɔ̧-a̧ nɛ̀ mbetɛ‘e, wi nɛ̀ ha̧a̧ nú ha̧ a̧‘i nɛ́ wi-yor-ɗoŋ-wen kɔ‘i.

A̧ duka kɔ̧ tua-laa pɛm nɛ̀ ye nɛ̀ naŋ garo-a a̧a̧ sɛnɛ nɛ̀ Sɔ̧ nɛ̀ tɛ-wi nɛ́ wi-wea-a in wi-mboa-a mbɛt.

Ŋgimbi nɛ̀ Moisɛ gasa kaɗi, nɛ́ tɛ kɔ̧ɔ̧ɗɔɔwen á̧ à̧ bɛ̧ɛ̧ nɛnɛ ha̧ o bíí mɛ́ sa a̧‘e bem ko boko-bem ko Faraɔŋ. A̧ hoka mɛ́ zɔk bɔnɛ in dukbíí ko Sɔ̧ gan duka-a tɛ́ bɔtɛ zaŋ ɗaŋmɔ tɛ́ ŋma be ŋgimbi. Taamɔ kɔ̧-a̧‘e ea a̧ nɛ̀ o bíí e tɛ̀ geemɔ hee ko Krist ga ɔ déè gan o mbɔi tɛ nú Egiptɛ, wen yí-a duk so nɛ tɛ mɔɔ-oi-tom. Nɛ́ tɛ kɔ̧ɔ̧ɗɔɔwen a̧ Moisɛ kura nɛnɛ nú Egiptɛ yak, kíí nyimsea ko wannu de a̧ na. A̧ yora nɛ̀ nɔa-a hee bíí nɛ̀ zɔk Sɔ̧ nɛ̀‘i zɔk na’ɛ ga.

Ŋgimbi nɛ̀ Sɔ̧ wee nɛ̀ Abraham, nɛ́ tɛ kɔ̧ɔ̧ɗɔɔwen á̧ Abraham ha̧a̧ nɛ̀ Izak. A̧ ha̧a̧ kpɔk bem kɔ̧-a̧ zu-a nɛ̀ Sɔ̧ ha̧a̧ so nú ha̧ a̧

Nɛ́ tɛ kɔ̧ɔ̧ɗɔɔwen a̧ Rahab kó-de-mɔ nɛ̀ mbɔɗɔnu kpɛka nɛ̀ o wi-kpe-naŋ-mɔ nɛ̀ de-a, ɓɛɛ wa gbɛ a̧ kpɔk in o wi-ŋgazu wese'i na.

Nɛ́ tɛ kɔ̧ɔ̧ɗɔɔwen a̧ wa kuu nɛ̀ Gbɛ̧ gba-tɔp hee zu kora nù ga daŋ kur, ɓɛɛ ŋgimbi nɛ̀ o be Egiptɛ wee mɛ́ de kpɔk mɔ‘i, yì kpee zu wa liŋgɔm.

Nɛ́ tɛ kɔ̧ɔ̧ɗɔɔwen a̧ o be Israɛl zika nɛ̀ ye Jeriko tɛ́ zɛ mɔɔrɔ-ɗoŋ-yiitoo, ɓɛɛ garo ye'i gbin a nù lɛŋ.

Nɛ́ tɛ kɔ̧ɔ̧ɗɔɔwen á̧ à̧ dee nɛ̀ gbaŋa Paska, ɓɛɛ a̧ misi̧ tɔk a zu nú tua wen ká wi-ɗaŋ-mɔ tɛ́ɛ̀ kum o kaya-bem ko o be Israɛl.

Nɛ́ tɛ kɔ̧ɔ̧ɗɔɔwen a̧ Jozɛf nɛ̀ hɛɗa so mɛ́ fe kaɗi tɔ̧ɔ̧ nɛ̀ wen zu gboa-a ko o be Israɛl nú Egiptɛ in mɔ nɛ̀ wa tɛ́ de nɛ̀ gba̧a̧-a̧.

Nɛ́ tɛ kɔ̧ɔ̧ɗɔɔwen a̧ Jakob nɛ̀ hɛɗa so mɛ́ fe kaɗi toka nɛ̀ de yoŋgo zu o bem ko Jozɛf kpɔk kpɔk; a̧ ɛka so tɛ-a nɛ̀ dɔra kɔ̧-a̧ gasi nɛ̀ Sɔ̧.

Nɛ́ tɛ kɔ̧ɔ̧ɗɔɔwen a̧ Izak toka nɛ̀ de yoŋgo zu o Jakob in Esau wen duka-a kɔ-wa siti.