Popular Bible Verses from KU̧U̧NAŊMƆ 39

Share

GASA WAN yora so ɗoŋ Jozɛf; hegɔ mɔ lɛŋ n'aa dea hɔɔ nɛ gba̧a̧, ɓɛɛ a̧ duka so ɔ kɔ̧ tua ko dáà-bara kɔ̧-a̧, be-nú Egiptɛ.

A̧ ea ha̧ mɔ lɛŋ mɛ zii nɛ Jozɛf, ɓɛɛ mɔ kɔ̧-a̧ kpɔk n'aa ta nɛ nyɔŋa mɔ si tɛ-a ɓɛɛ. Jozɛf yora so ŋgaiwi nɛ kpoo-tɛ in saŋa-yí mbɛt.

Wi’ɛi baa Jozɛf e zu o wi-zɔɓɔ lɛŋ. Mɔ nɛ tɛ de kɔ̧ tua-zɔɓɔ lɛŋ tɛ de ɗoŋ ha̧a̧nú ko Jozɛf.

Wan kɔ̧-a̧ ha̧a̧ nú, ɓɛɛ wa ba Jozɛf pi̧ kɔ̧ zɔɓɔ, fara nɛ wannu kai o wi-zɔɓɔ kɔ‘i a sɛnɛ; nɛ́ hegɔ n'aa duka nɛnɛ kɔ̧ tua-zɔɓɔ. GASA WAN yora so ɗoŋ Jozɛf; a̧ zɔka a̧ nɛ de yí, ɓɛɛ a̧ de ha̧ wi nɛ zɔk o wi-zɔɓɔ mɛ kpa desee zu a̧.

Hɔ-ɗoŋ mɔɔ nɔ‘i, kóò ko dáà-bara ko Jozɛf ee yí sitɛ a̧, ɓɛɛ tɔ̧: «Mɛ̀ ɔ́ in am!» Jozɛf bɛ̧ɛ̧ mɔ‘i, ɓɛɛ tɔ̧ ha̧ kóò ko dáà-bara kɔ‘i: «Zɔk, dáà-bara kɔ‘m ea'm ká̧ tɛ-wi. A̧ ee mɔ kɔ̧-a̧ lɛŋ er-am, ɓɛɛ a̧ e kɔ̧-a̧ see-aa tɛ mɔ kɔ̧ tua’ɛ na. Dáà-bara kɔ‘m nɛ zu kpa ŋgai sɛn kɔ̧ tua’ɛ hee mi ga na. Mɔ kpɔk n'aa dora er-am bo na, nɛ́ mɛ́ ɓɛɛ, wen mɛ́ nɛ́ kóò kɔ̧-a̧. Hee ge mi tɛ de ndiŋmɔ hegɔ de nɛ ɗaŋmɔ ti Sɔ̧ ge?»

Ŋma wese, Jozɛf yee tua wen dee tom kɔ‘i, ɓɛɛ gee ŋma wi-de-tom kpɔk bo kɔ̧ tua na. Kóò‘i kasa laa tɛ-a yor nɛnɛ, ɓɛɛ tɔ̧ ha̧ a̧: «Mɛ̀ ɔ́ in am!» Ɓɛɛ Jozɛf siŋ laa kɔ‘i e er kóò‘i, ɓɛɛ war yì gbo kɔ̧ tua.