Popular Bible Verses from Saumu 51

Share

Ritonõpo, kure rokẽ josenetupuhtoh tyriko ukurohtao, Ouzenu ekaroko ya tyrisenã sã jehtohme ropa.

Tãkye kyriko ropa typynanohse jexiryke oya, õmiry omipona se jehtoh tyriko ropa ukurohtao.

Jenyohpyra exiko owinoino, Ouzenu kurã onupuxihkara exiko roropa ywinoino.

Ritonõpo, ynekaroryme juzenu ekarõko ase oya osanume jahtao ro; “Ose pyra ase,” kara mase ya ime pyra jahtao ukurohtao, yyrypyry rumekary se roropa jahtao.

Ritonõpo, yna pyno exikehpyra oexiryke ajohpãme sã juãnohpyra exiko. Yna pyno oexiryke, iirypyryme jehtopõpyry ikorokako emero. Kukurikako popyra jexiryke, iirypyryme jehtoh ikurikako kure jehtohme ropa.

Yyrypyry touko ukurohtae kure jehtohme; kukurikako upo ikurikasenã sã jehtohme, mauru karimutumã motye jehtohme.

Yyrypyry mã oryhmaneme rokẽ mana, popyra ehtoh yriase oneneryme, ise pyra oehtoh ipunaka moro tyrise ya. Zae mase japiakaryhtao oya, juãnopyryhtao oya zae rokẽ mase morohne rĩko.