Popular Bible Verses from Saumu 42

Share

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme mana Ritonõpo Jesemy.

Ritonõpo, kapau tuna se zehnase ahtao iporiry poko penetãko mana, mokyro sã opoko penetãko ase, amaro jehtohme! Tuna enyry se exikety sã opoko penetãko ase, Ritonõpo, ose ase, isene exikehpyra Exikety! Omõxi oẽpataka oeahmase, Ritonõpo.

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme, Ritonõpo Jesemy.

Saereme ahtao yxitary poko kohmãnõko ase, koko ahtao moro poko ẽmehnõko ase, yxitary rokẽ ynapyryme mana. Jepetõkara ynara ekaropõko: Otoko hnae Ritonõpo Oesemy? kakehpyra mã toto.

Taro ase imehnõ nonory po emynyhmãko yronymyryme, naeroro osenetupuhnõko ase Ritonõpo poko. Pohkane konõto sã tuna konõto kuao jemynyhmatoh tonehpose eya ypona ukurohtao; otupĩko ywy, sõkane tõ sã panaikato ke yhtõko ypy Heremõ poe, ypy Mizar poe roropa orẽpyra tuna Joatão kuaka, moro sã jemynyhmatoh tonehpose eya ukurohtaka.