Popular Bible Verses from Maku 4

Share

Mame typakase ropa Jezu. Tyryrykane tymynyhpãkapose eya: — Omynyhpãko, pohkara exiko, tykase Jezu. Mame tyryry tykakehse, mynytyme konõto rokẽ toehse. Mame ynara tykase typoetory tomo a: — Oty katoh oserehnõko matou? Jenetupuhpyra ro hmatohu? tykase ynororo eya xine.

— To! tykase toto tyya xine tõsenuruhkase toto: — Mosehxo reh imehxo nahse. Tyryrykane mynyhpãkapono, pohkane roropa mynyhpãkapono, tykase toto oseya rokene.

Jezu nyhnõko kynexine kanawa ãtykyo. Zupuhpyry tapõke kynexine. — Tuisa, yna pyno pyra hma? Nerỹko reh sytatohse, tykase toto eya.

Morarame tõturuse ropa ynororo: — Jomiry etãko matose repe, jomipona ehtoko. Otato awahtao xine atamorepãko matose kure, tuhkehxo apoĩko matose.

Morarame ynara tykase ropa Jezu: — Ritonõpo tuisame exiry otyro puhturu arykane sã mana. Mame otyro puhturu arykãko sã mana tupito pona. Mame tuenikaroro exĩko mana. Okynã pixo toehse ahtao ipuhturu ẽxihtãko mana, ahtãko roropa mana onenepyra ahtao.

Otato awahtao xine menetupuhtory, tykase ynororo eya xine.