Popular Bible Verses from SAN JUAN 19

Share

Ngolo ngu Jesús vina, ndxab Jesús: ―Nase ngolole' mdyaa no ngòcque' no mdubque' di's ryethe con' naquin gàc loon. No ngoloa, site mbi's yen Jesús. Nguth Jesús.

Ngolo ngòc rye con'a, no com le' Jesús nanee le' ryete con' co' naquin gàc loo Jesús ngòcle' no mdyaale' no par tolo gàcque' no tyaaque' di's co' ndub loo libr co' nac xti's Diox, Jesús ndxab láth ngue Jesús loo cruz: ―Ndxec lezon, yey.

Co'se' gunèe Jesús ndoo xna' Jesús loo Jesús con thìb myen' xin' mté'th Jesús co' más mque' lezo' Jesús ñèe Jesús, Jesús ndxab loo xna' Jesús: ―Ngot, hui' loo mbi' co' ndoo lool ba'. Mbi' ba' lil cuent nac xgan'l, ndee. Ngoloa, ndxab Jesús loo mbi' xin' mté'th Jesús co' más mque' lezo' Jesús ñèe Jesús: ―Mbi', xa'got ba' gàc xal xna'l, ndee. Leque hora, mbye' mbi' co' nac xin' mté'th Jesús xna' Jesús par liz mbi' xal xna'pe' mbi' xin' mté'th Jesús.

Per co'se' mbii gax solndad loo Jesús par qui's solndad zith cor nii Jesús, gunèe solndad le' Jesús nguthle'. Ne'ngui'ste solndad zith cor nii Jesús. Per mastale' nguthle' Jesús, thìb solndad co' nzo làtha ngua thid lans ro costi Jesús. Co'se' mblo' solndad lans ro costi Jesús, ante nde bèe nde yax loo ren no loo nít co' ngro' ro costi Jesús.

Tac ngòc con'a loo Jesús par ngòcque' no par mdyubque' di's co' ndub loo libr co' nac xti's Diox co' mbez: Ne'lé'de mèn no ne'qui'ste mèn nec thìb zith co' nac zith lad mbi'. Lomisque', ndub di's loo libr co' nac xti's Diox tedib lugar co' mbez: Le' mèn hui' loo mbi', mbi' co' mdid mèn lans no clav lad yiloa.

Sya, ngro' no mèna Jesús. No ale mnibe' mèna loo Jesús par leque Jesús mxo'f yen cruz Jesús par mbe' Jesús cruz Jesús axta loo den co' mbez mèn lèe Den Calaver tiempa. Le' di'stèe mèn nación Israel na, mbez mèn loo dena Golgot tiempa.

Látha, mdub solndad thìb coron yis co' nayà' yéc Jesús. No mtegoc solndad Jesús thìb cap co' ngòc lar' morad.