Popular Bible Verses from Mako 12

Share

Jesu kadabila kati, “Nlayo nkulu pa mimwe ndi hwoyu, ‘Hwililani imwi Baiziraela, She Ndzimu wedu, She bang'ompela. Ida She Ndzimu uwo nge moyo uwo wose nenge meya iyo yose nenge nkumbulo uwo wose nenge masimba awo wose.’ Nlayo nkulu kutobeledza ndihwoyu, ‘Ida mmwe nthu sekwa unozwida.’ Akuna mmwe nlayo unopinda iyeyi.”

Ipapo Jesu kadana badiyiwa babe kabadwa kati, “Ndolebesa nditi, iyeyi tjilikadzi isina tjayo, yadusa kupinda bose. Bamwe bawungunula mu fumwa yabo, koga iye nenguba ali nshayi, wadusa kose kwaanako mu butjilo gugwe.”

Jesu kagala kulingisana ne panodusigwa zwipo zwe mari, kalingilila bathu banjinji belonga mari abo panolongwa zwipo mu Ng'umba ye Ndzimu. Bafumi banjinji bakalonga mari manjinji. Kukazha nshayi we tjilikadzi kalonga mari mabili e themba tukununu tjose.

Ngono kuti tiwude nge moyo wose nenge njalakang'wa dzose nenge masimba wose nenge kuda mmwe nthu sekwa unozwida, ikoku kopinda zwipo zose zwinopisiwa ne zwimwe zwibhayilo.”

Jesu kabadwa kati, “Ipani Kaisara zwithu zwa Kaisara, mupe Ndzimu zwithu zwe Ndzimu.” Bakankaabalila.