Popular Bible Verses from Jakubo 5

Share

Ndizo muzwilebe matjinyo enyu mmwe ku mmwe, mutembezelelane kuti mupodziwe. Ntembezelo we nlulwami una masimba kakale unoshinga.

Apa kuna mmwe wenyu unodziyila kene? Ngaatembezele. Apa kuna wakashatha kene? Ngaambe njimbo dzinokudza Ndzimu.

Ntembezelo unotembezegwa nge kugalamoyo unowopodza n'gwele. She unowompa mamuko. Ngono ha ana jinyo She unowonzwiibhatigwa.

Apa kuna mmwe wenyu unogwala kene? Ngaadane bakulu be gubungano bantembezelele babuye banzhodze mafuta nge zina la She.

iye wambuza ngaazibe kuti, nthu wadusa ntjinyi mu zila iye isakalulwama, unotjidza meya iye mu lufu. Kakale matjinyo awe wose nge bunji gwawo anowozwiibhatigwa nge Ndzimu.