Popular Bible Verses from Bahebheru 13

Share

Mutjile butjilo gusingalaugwe nge ludo gwe mari, ngono mugutshike nge tjamunatjo. Ngobe Ndzimu wakati, “Andingakulashe, kene akusiya.”

Jesu Kirisiti ndiyezwe wa madekwe ne wa nasi newe kusingapele.

Ndizo tingaleba ngogutshika titi, “She mbhatshi wangu. Anditowotja. Apa nthu ungandiyitani kene?”

Musitongo letja kushinga ndulamo nenge kukobana tjamunatjo, ngobe zwibhayilo zwakajali zoshathisa Ndzimu.

Ngatidwilileni muna Jesu tiyiseni tjibhayilo tje gudzo ku Ndzimu, ikoku zwizwalo milomo ye banokudza zina lawo.

Ndobolo ngaikudziwe pakati kwe bathu bose, thobo ye ndobolo ngaibe mbuyanana, ngobe Ndzimu unowosumikilisa phombgwe ne basinga zwibhate.

Muamutjile bayendi nge buthu mu misha yenyu, ngobe ngojalo bamwe bakaamutjila batumwa be kudzimu basingazibe.

Dzene Ndzimu we kunyalala iwo wakamusa She wedu Jesu mu bafi, iye nlisi nkulu we pkhwizi, nge malopa e tjidumano tjisingapele, ungamupa kose kwakanaka kuti ndizo mushinge kuda kwawo ungashinga mu muli itjetjo tjinoushathisa, ndi Jesu Kirisiti. Ngaukudziwe nge kusingapele. Ngakujalo.