Popular Bible Verses from PROVERBIOS 26

Share

Che' mi' pejcañonla ti tonto jini tonto bʌ, mach yomic mi lac jac' ti tonto ame junlajalonicla yilal. Che' mi' pejcañonla ti tonto jini tonto bʌ, lajal yom mi lac jac' ame p'ip'ic mi' lon q'uel i bʌ.

Lajal jini tonto bʌ bajche' ts'i'. Che' bajche' mi' cha' sujtel ts'i' cha'an mi' mʌc' i xej che'ʌch mi' sujtel jini tonto bʌ cha'an mi' cha' mel i tontojlel.

Mi' yajpel c'ajc che' ma'anix si'. Mi' lajmel a'leya che' ma'anix xjop't'an.

Jini mu' bʌ i japun lum cha'an mi' yʌc' ti yajlel i pi'ʌlob mi' caj ti yajlel ya'i. Jini mu' bʌ i woxq'uin xajlel mi' caj ti lojwel ti xajlel.

¿A cʌñʌ ba winic mu' bʌ i lon q'uel i bʌ ti ñuc? Mi' lon al ts'ʌcʌlix i ña'tʌbal. Ñumen an i ye'tel tonto bʌ bajche' jini winic.

Jini mu' bʌ i xʌb otsan i bʌ ba' woliyob ti leto lajalʌch bajche' winic mu' bʌ i chucben i chiquin ts'i' che' mach i cha'anic.