Popular Bible Verses from JOSUE 10

Share

Jini cha'an tsa' wa'le jini q'uin yic'ot jini uw c'ʌlʌl jinto tsa' ujti i jisañob i contrajob che' bajche' ts'ijbubil ti' juñilel Jaser. Jini q'uin wen jal tsa' wa'le ti ojlil panchan che' bajche' i ñajtlel jump'ejl q'uin yic'ot jump'ejl ac'ʌlel.

Ti jini jach bʌ q'uin che' bʌ lac Yum tsi' yʌc'ʌ jini amorreojob ti' c'ʌb jini israelob, Josué tsi' pejca lac Yum ti' tojlel jini israelob: La' wa'lec jini q'uin wʌ' ti Gabaón. La' wa'lec jini uw ti jini joctʌl i c'aba' Ajalón, che'en.

Ma'anic yambʌ q'uin che' bajche' iliyi c'ʌlʌl wajali c'ʌlʌl wʌle, come lac Yum tsi' jac'be i t'an juntiquil winic. Lac Yum tsi' colta jini israelob ti guerra.

Lac Yum tsi' sube Josué: Mach ma' cha'len bʌq'uen. Mi caj cʌq'ueñet ti a c'ʌb pejtel jini winicob. Ma'anic mi juntiquilic a contra mu' bʌ caj i mʌjlel i cha'an, che'en lac Yum.

Josué tsi' yʌlʌ: Mach la' cha'len bʌq'uen. Mach yomic mi la' lij la' bʌ. Yom p'ʌtʌletla. Yom ch'ejletla. Come lac Yum che'ʌch mi caj i melbeñob pejtel mu' bʌ la' contrajin, che'en Josué.