Popular Bible Verses from GENESIS 27

Share

La' i yʌq'ueñet Dios jini ye'eb tilem bʌ ti panchan yic'ot wen bʌ lum yic'ot cabʌl ixim yic'ot cabʌl vino. La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

Esaú tsi' yʌlʌ: Cha'an i maña tsa' otsʌbenti i c'aba' Jacob. Cha'yajl tsi' chilbeyon c cha'an bʌ. Tsi' sutq'uiyon ti ijts'iñʌl. Tsa'ix i chilbeyon ja'el i yutslel a t'an, che'en. ¿Anto ba yambʌ i yutslel a t'an cha'an ma' wʌq'ueñon? che'en.

Jini cha'an Isaac i tat tsi' jac'ʌ. Tsi' sube: Ñajt to an wen bʌ lum ti pañimil ba' mi caj a chumtʌl. Ñajt to an ye'eb tilem bʌ ti panchan am bʌ ti chan. Yic'ot a wespada mi caj a wajñel. Mi caj a yuman a wʌscun. Che' mi' cajel ti t'an a pusic'al, wersa mi caj a chil loq'uel a bʌ ti' wenta a yum, che'en Isaac.

Esaú tsi' sube i tat: ¿Anto ba jump'ejl jach i yutslel a t'an, c tat? Aq'ueñon i yutslel a t'an ja'el, c tat, che'en. C'am tsi' cha'le uq'uel Esaú.