Popular Bible Verses from EXODO 8

Share

Jini xwujtob tsa' caji' ñopob i mel ti mucul tac bʌ i ña'tibal, pero ma'anic tsa' mejliyob. Tsa' ajni uch' ti' tojlel winicob yic'ot alʌc'ʌl. Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Lac Yum tsi' sube Moisés: Cucu ba'an Faraón. Suben: “Lac Yum woli' yʌl: La' majlicob winicob x'ixicob c cha'año' bʌ cha'an mi' ch'ujutesañoñob.

Che' bʌ tsi' q'uele Faraón lajmenix wocol, tsa' cha' tsʌts'a i pusic'al. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Mi ma'anic ma' wʌq'ueñob permiso cha'an mi' majlelob, mi caj c tic'lan pejtel a lumal ti xpequejc.

Lac Yum tsi' sube Moisés: Suben Aarón: “Sʌts'ʌ a te'. Jats'ʌ i ts'ubeñal lum cha'an mi' pʌntiyel ti uch' ti pejtelel i lumal Egipto”. Che' yom ma' suben Aarón, che'en lac Yum.

Che'ʌch tsi' cha'le lac Yum. Jomjomña tsa' c'oti jaj ti' yotot Faraón yic'ot ti' yotot tac i winicob. Tsa' asiyi i lumal egiptojob cha'an jini jaj.