Popular Bible Verses from MARKUS 9

Share

Ane Yésus a nga jô nye na: Nge ô ne ngule ya bo a! ke mame mese me ne ngule ya boban e be môt a bili mbunan.

Eté été, ane ésaa mongô a nga yôtan a jô na: Ma buni, volôʼô ma e vôm: Me ngenan te buni.

Abulan a nga bulan e nda jé, ane beyéʼé bé be nga sili nye, baa be nye be to étam na: Amu jé, bi bia te kate titane mbia nsisime ate? Ane a nga yalane be na: Mvoñ minsisim éte é se ngul ya kôlô a zen éziñ fe, foʼo ve a meyeʼelan.

Nku ô ne mbamba jôm. Ve da, nge nku ô mane same zam , mia ye beta ve wô zam a za jômô? Biane nku e be miabebien été, tabaʼane fe mvoʼé wua a nyô mbok.

E môt a ye nyoñe ôyôme mongô wua avale di e jôé dam, mamiene le a nyoñ. E nde fe môt a nyoñe ma, sake ma a nyoñ, a nyoñe Nyô a nga lôme ma.

Ajô te, e môt ase a ye nyuu mia ékpwase mendim amu na mi ne bôt be Krist, ma kate mia bebela na, a se ngul ya jañele maʼane mé.

E môt ase a ye dutu wua ya ayôme bongô da buni ma dina na a ku abé été, jam da dañ mvaé mfaʼa wé e ne na, be fañe nye akoʼo nnen ba koʼo de bidi tyiñ , a wua nye e mañ été.

A nge dise dôé éziñ e nde da dutu wo na ô kolé a ku abé été, fôndéʼé de. E ne wo mvaé na ô ke nyiin ayoñe Zambe a dise da, alôte na be ke wua wo ébé nduane kom ô bili mise mebaé