Popular Bible Verses from METIAS 24

Share

nyeʼan abui bôt wo ye bo avoé amu nnenan abé da ye dañe nen. Nyô a ye yeme ngu akui asuʼulan nye a ye nyiiban.

Mbamba Foé yʼéjôé ya yôp a ye kateban émo ése ya bôt be too ane ngaa asu meyoñ mese, mvus éte nje asuʼulan da ye kui.

Mia ye wôʼô ajô bita a biduñe ya bita; mombaʼan a te koone woñ; mam mete ma yiane taté boban te na asuʼulan e boban.

Ayoñ da ye foʼo wosan ayoñ avok, a éjôé ja ye wosan éjôé évok, bemfumbale zaé a mimfôʼôsan mi si bia ye bo ane mevôm me né. Mam mete mese me ne ve atataʼa mintaé mi abiaé.

Yôp a si bia ye lôt ve mejô mam ma ye bo te lôt.

yaa! Bôt abui ba ye zu a jôé dam be jôʼô na: Ma me ne Krist, a ba ye yale bôt abui fé.

Ba ye kee mia bôt be tibili mia a ba ye wôé mia, a meyoñ mese ma ye vini mia amu ma. Bôt abui ba ye ku Zambe; bevok ba ye koñan e zañe jap a siñan bana a ba bevok; a abui bekulu mejô e ne minsos da ye kôlô si a yale abui bôt zene fe

Yésus a nga yalan a jô be na: Tabaʼane ntyele na môt a bo te yale mia fé

Ajô te mia fe mombaʼan amu mi nji yem awolo mona môt a ye so.

Ajô te mombaʼan, amu mi nji yem e môse Nti wônan a ye so.

Ve môs ôte a awolo te, teke môt a yeme bie, toʼo beéngele ya yôp, toʼo mon, teke môt a yem, vengevenge ve Esaa étam.

Bekrist be ne minsos ba ye tebe, nalé fe bekulu mejô be ne minsos ba ye liti beta mendem a bitua bi mam avale ya yale, jaʼane mintoban, zene fe.

Aval e nga boban melu me Noé, nne nsoone mona môt wo ye bobane nalé; amu aval e nga boban melu mete, te na ndôn é kui, na bôt be nga di, a nyu, a luʼu binga, be keʼe fe bengone meluk, akekui môse Noé a nga nyiin e ark été, be nji tyelé nleme yôp a jam éziñ, akekui ndôn é nga kui a vaa bese: nalé ate nsoone mona môt wo ye boban.