Popular Bible Verses from MIMBOONE MINLÔMAN 1

Share

Ve mia ye nyoñe ngu éyoñe Mfufube Nsisim a ye zu be mia. Mvus éte, mia ye bo bengaa bam, ataté Yérusalém, Yudé ase a Samari, akekui mekuʼu mese ya si nyô.

Ane a nga jô be na: E nji bo ajô denane na, mi yeme biyoñ a zia melu Esaa wom a nga telé a ngule njôane jé.

Ezezañe ndian baa be beyéʼé, a nga bendé be na: Te kôlane Yérusalém, ve tame yange ngakaʼa Nti, nyô me nga kate mia, e ne na: Yôanes a nga du foʼo bôt a mendim, ve mia, mia ye duban a Mfufube Nsisim, teke ayab éyoñ mvus éte.

Beyéʼé bete mbe ñhe a nga liti émien, mvuse ya mintaé mié a awu dé, a mendem abui, nté ya melu mewôm menyiñ. A nga yené e be be a laane be ajô éjôé Zambe.

Mvuse ya mejô mete, e mise map été, ane a nga betebane e yôp, nsume nkut ô nga solé nye mise map été.

Be ngenane be fombôʼô yôp mfaʼa a nga ke, a teme na bôt bebaé, be beʼe bifumulu mengômesan, be ntele be fefe, a jô be na: A bôte ya Galilé, amu jé mia langane va, mi fombôʼô yôp? Yésus ba te nyoñe mia yôbe nyô, a ye beta so, avale mia te yen a kelek.