Popular Bible Verses from Marik 9

Share

Jesus mi dum ala: Ni kayam me ba, ang dala: Le ang ndaga ge? Sama he gagazid’ina, mi ndak á lahlena pet.

Ata yi máma na wat, gorâ abum mi er ad’um tchina akulo, mi dala: An he wa gagazid’a, ang ndjunun yam bei he gagazi manda.

Kid’a Jesus mi kal avod’a, mam suma hata a djobom gumun vazi ala: Ni kayam me ba, ami ndak á dik muzuk ma tcho máma woi d’uo ge? Mi dazi ala: Andjaf muzuk ma hina na, ang tchenî Alona tua ba, ang digim mbei tua.

Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? Agi mbud’ugi ni d’igi ndjuvuna na, agi kagagi ki halasa aduk tagiya.

Sama lara pî ma ve gogorâ d’igi ma wana na atam ki simiyêna, mi van ni anu; sama lara pî ma vana, mi van ni an hol li, wani mi ve ni Ma mi sununïna mi.

Wani sama lara pî ma hagi mbiyo ma tched’a kur kopma yam simiyêna kayambala agi ni suma hi an Christ-sâ d’a ni, gagazi, an nga ni dagiya, Alona mba mi wuragamu.

Jesus mi hat mam suma hata kua ala: Nge nge pî ma nga mi le vama b’lak gogorâ aduk gugurei suma a he gagazid’a kana ni, djivid’a hotei a djinim ahina d’a ngola kelemu, a gumza kä aduk alum ma ngolâ.

Le irang nga d’i ing kur tchod’a ni, ang pad’at teyo. Djivid’a kal la ang kal kur leud’a hAlonid’a ki irang mbeka tala a gang aduk Jahanama ki irang zla tat djagu d’a.