Popular Bible Verses from Marik 16

Share

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Wana nahle suma atchap suma suma he gagazid’a kana a mba lazina: Azi mba dik muzuk ma tchona woi kur suma, a mba de zlad’a ki vuna hi suma teteng mi. Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Mi dazi ala: Ar vunadigagi d’i pat ti. An wala agi halagi ni Jesus ma Nazarat ma a b’alam akulo ata agunina. Mi tchol wa akulo, mi nga ka hî d’i; agi gologi yima a gum kuana wana.

Kid’a azi hle irazi akulod’a, a we ahina d’a ngol ndata a ligad’at tei avun zula da’. Ata yi máma a kal kä kur zula, a we gor azongâ nga kak kä ata abo ma ndjufâ ki baru d’a fiyak ka hapa atamu, wani vunadigazi d’i pat fek.