Popular Bible Verses from Salmos 35

Share

Iya Tátnuni, kanaa maa ni ji'in ñayii ka kuni ja jin kanaa i ji'in sa ma. Kunda'a maa ni i, te sa'a maa ni i naxe kúni ni.

Kovaa jín ndusii ini xen‑xeen maa ndaka ñayii ka kuni ja kundee sa ma, te jín kayu'u jín kayu'u‑ni i jín ka'an i: “Iya Tátnuni ma, iya ka'nu xeen kúu ya, te játna ini ya ja ñayii jinukuechi nuu ya ma, te koo va'a i”, jín ka'an i.

Te ndaka'an ndakachi sa ja ja ndaa ja ndija kúu ja sa'a ni a, te nii nduu ma kata sa ja ndachiñu'u ña'a sa, vi Su'si maa sa.

Ni‑yu'u ni‑ini sa kuña'a sa Su'si ma: “Masu na in‑ka kúu sa'a sukan sa'a ni a, vi Iya Tátnuni, vaa sa'a ni ja ka kaku ñayii nda'vi ka ndo'o ka neni i ma, ja ka sa'a ka kuu ña'a ñayii ka tatnuni‑ka ma, vaa ûni ka ndaxtandee ndi'i kuiti i nawa ka neva'a ñayii nda'vi ma”, kuña'a sa Su'si ma.