Popular Bible Verses from Proverbios 31

Share

Ja vivii kaa in ña'a ma te vivii ká'an ña ma chi in ja xnda'vi‑ni ña'a kúu, nú chukan na kukanu ini o, kovaa ña'a yu'u Su'si ma te ñatuu sa'a ña ja u'vi ma chi ja ndaa kúu ja iyo ña ja koo jayiñu'u ña.

Iyo xeen tnu'u ndee tnu'u ndatnu nuu ña, te iyo jayiñu'u ña nuu ñayii ma ja sukan sa'a ña ja va'a ma, te másu nde yu'u ña nawa ko kuu kivi ki'in o ma. Te ora ká'an ña ma, ndimaa tnu'u ndichi ká'an ña, vaa ja káxtnu'u ña ma kúu ja ndimaa jín kutoo tna'a ñayii ma te jín kuaan mani tna'a i.

Te ndimaa chíndee ña ñayii ka kunda'vi ka kukee ma nawa ka jiniñu'u i ma.

Ña'a tiñi'i ini ma te ndúku ña ja sa'a ña ja va'a ma, masu ndenu iyo ndeva'a ña'a yukan. Vaa in ña'a kúu sukan chi ja va'a xeen‑ka kúu sana yuu vivii ma ka ndee ya'vi xeen ma.

Jin ndakua'a ni jayiñu'u ña'a sa'a ja va'a ma, jin ndakunitnuni ni ndaka ja sukan sii ini satniñu ña ma. Jin ndaka'an jin ndakachi ni ndaka ja vii ja va'a sa'a ña ma te na jin kuni ndaka ñayii ma.

Sa'ya ña ma chi ka jinkuiñi i, te ka ka'an vii ka ka'an va'a i ja kuu ña, te yii ña ma ndáchiñu'u de ña, te jiña'a de