Popular Bible Verses from Proverbios 10

Share

Ja vii ja va'a skuta'vi ña'a Su'si Iya Tátnuni ma chi sa'a i ja ko ni'i ko tna'a o, te sa'a Su'si ma ja masu na tnu'u xii ini kenda nuu o.

Ñayii ñatuu ndása'a kuenda te ndeva'a‑ni tnu'u ká'an i ma chi iyo yika i ja ka'an i in tnu'u ja masu kuatniñu te kuiso kuechi i, kovaa ñayii ndichi ma chi ndása'a i kuenda na tnu'u ká'an i ma.

Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Ñayii kuxi te ñatuu ndí ini i ja satniñu i ma chi ko kunda'vi ko kukee i, kovaa ñayii ñu'u ini ma te satniñu i ma chi ko ni'i ko tna'a i.

Ñayii sa'a sukan ká'an káchi tnu'u ndichi ma chi kua'an i ichi nuu koteku i ma, kovaa ñayii ñatuu niniso'o ja ká'an káchi tnu'u ndichi ma chi kua'an i ichi nuu skenaa i maa i.

Ñayii jika ndaa jika ndija ma chi masu nawa yu'u i ndenu kua'an ndenu vee i vaa ja va'a sa'a i ma, kovaa ñayii sa'a ja u'vi ma chi ndí ini xeen i nasa yukan te ndatuu ja u'vi sa'a i ma.

Ñayii yu'u Su'si ma te ñatuu sa'a‑ka i ja u'vi ma chi kani kani koteku i, kovaa ñayii sa'a ja u'vi ma chi ndate'nde sava sukan iyo ja koteku i ma.

Vaa Su'si ma chi masu kua'a ya tnu'u ja ko kokon ko yichi ñayii sa'a ja va'a ja ndaa ma, kovaa ñayii ka sa'a nanimaa ja u'vi ma chi kua'a Su'si ma tnu'u, te jin ndando'o jin ndaneni maa i ja u'vi ka sa'a i ma.

Ñayii sa'a ja u'vi ma chi sukan‑ni yá'a tikachiyaa xeen ma sukan‑ni kúu i, vaa nunuu‑ni iyo i te náa i, kovaa ñayii sa'a ja va'a ja ndaa ma chi ni‑kani ni‑jika koteku i.