Popular Bible Verses from Ruka 17

Share

Miqi qimasee Yisufa mi fasiqana qimaminau, doo findifi fua, anee qini saqarikiannanannai kai amiqiananoo.

Mifa dinni taikasee dinni ani qaaraqanda (7) kari ani mandaikammamaqasee quandakinoo aniara qini mandainaina minnisaannee qinana eedoo qimasee minnisaa.

Yisufa misa niqafamasee qimanniminau, innee amaana maaqaki Anutuna aanaiqiki mariasa inneeqa nifaaqa ooruree uqannifiqaifaqa inni nifaaqa aiquqummaseenoo inniara anukarausee qifaranoo, miqi qinaqa innee aiqamausa nifusaa anukaqa maridee qifaranoo. Miqi qufaqa misa eedoo qimasee aanai fimarufanoo misa karoora taikafufaqa nariqa nifaaqa qafamaseeqa fufanoo moodaafa quandaki firaaqoo Anutunara dufi dufi qimammaree anireenoo Yisuna aikuki maqasaa aqufufanoo Yisunara dufi dufi qimamaqanau, mi fasiqafa Yuda maqannaa namuqaa, Samaria maqannaa marinau.

Minara innee amiqimasee inneeqa mariranasaa rakisiaqa. Ani akaqa fannoo manda oosana marainana anee qaoo qinanoo mifa aundura quandasee andeeqaraqoo finana anee mina manda oosanara sia kafaa aqia.

Yisufa mi fasiqana asasirana iriseenoo miqoo marusa qimanniminau. Qisaukuqara fasiqa karoora nárí marisa rukanniseeqa, dinni taikasee dinni ani qaara faqa qaara faqa marasee fasiqauqa yai fee fiaa, sia fee misa faqa aniree Anutunara dufi dufi qifaree sia Yuda maqannaasa ania Samaria maqannaafa kai aniree dufi dufi qidanoo.

Innee qinisaa mundirana sia maridanoora foora maridanoo kaqikaa ainaina maqana qaqama miqirafa kaqikaafa kai marinaqau, innee minannai firaa ainaina auqini. Innee firaa saqari keefaadiara foora aneenna kai rafauru akinana ooruku nammariki aqufi kambiqaannee qifanoo mifa eedoo qimasee miqini. Innee qinisaa mundirana siara foora maridanoo sia amanaikifaranoo.

Yafee moo fannoo narí mariranara amuqusinafa mina marirafa taikaannoo, yafee moo fannoo narí marirana minnisainafa mina marirana maraannoo.

Moo kari Yisufa narí faiqi namu maaqi qimasee qimanniminau. Faiqí anaasee mandoosanaki mara quqannimaqee fandinausa kuqaa uqanna kambiqeefaranoo mi manda oosanna uqeerainna fasiqana arirafa firaaqoo uqanna mariifoo qidaqa qimudaoo qidaqa. Ooruku nammariki faiqí rafusu aqirafa firaa oonisanda rumbaseeqa anukaki ususee minaki aqirafa kaqikaa aupurarafa mariannoo, mi fasiqafa qini ufa irimari kaqikaa faiqina afiqasee manda aana uqafiqainafa mina arirafa firaafa uqanna mariannoo.

Qinee faiqí nimaaku qumuanna faasaanafa Nooana aukuanara fooqaafa mariannoo. Mi aukuanna faiqí anaasee idoo faakoo idaqa maanaaqa amundaidaqa narana nammari naidaqa mana mana imarufanoo Nooafa narí sipa firaanaki keeqafufanoo nammari fannoo tautumannimaqaseenoo faiqí anaasee aiqama naru taikanau.