Popular Bible Verses from Yameesa 5

Share

Inni nariara nariara manda irira irimariannana akooroomaseenana nariara nariara amiqiaqa. Inni aurirana taikaanifeera nariara nariara innaaru qiaqa. Andeeqara fasiqa innaaruqirafa afeeka ainaina maridanoo.

Innikiqari moo fannoo mandainainaki maridanoo fee Anutunara innaaruqiani. Moo fannoo asasidanoo Anutuna amooqira idi raani.

Misa naundura Yisunasaa mundusee innaaru qidaqa mi innaaruqirafa aurira fasiqa anaasee mara findifuannoo. Karaambaiqa fannoo marafindifidanoo mina aaqarafa marinanoo karambaiqa minnisaannoo.

Innikiqari moo fannoo auridanoo aurimaria fasiqa anaaseesa amaana maqasaa rakisirausa naaraifaqa misa aniree mi fasiqa anaaseena auriranara innaaru qimasee sauna anoona fooqaana akiaqa amoondunna karaambaiqa auqusaa qimasee adieefaranoo.

Qini qikaqaafasaa innikiqari moo fannoo anoona ufara minnisee kaqirunna mandainainaki finanoo moo fannoo andeeqara fasiqa fannoo oonu mina qumareeqeenoo amiqira aanai ubeekainafa mi fasiqafa mandoosana marai fasiqana maraquna kuqiranakinaana uqeereeqeenoo kaqi mariraqoo quqaannoo. Mi andeeqara fasiqafa miqinannai moomoo mandoosana akiaqara faqa Anutuna afusaa rafaaqafu aisaseenoo aminau.