Popular Bible Verses from Oosana 45

Share

Doo maqee innee sia qini qimu oosannara inneeqa kikiqusifanoo nimuqusiani. Anutufa kai qini diiqoofaqa innee kuqi foora indaarunni kamma nimaqasee inni dadaaqianeera qufaqa qumiqiafana.

Minara sia innee fau qini diiqoofaqau maa maqa maaqanaki ani maridaqau. Anutufa diiqoofaqa ani maridaqa. Mifa kai qini mareeqee Faraoona oofisaauqa uriqarausaikamma qaifaqa maridaqa. Miqimmasaifaqa qinee mina aiqama maqa maaqasaa rakisirausa maridaqa. Aiqama Isipa maqa maaqasaa rakisirausa maridaqa.

Anutufa kai qini mareeqee inni indaarunni kamma saifaqa inni asumu marasainaqa sia kuquaqeera, mi mookira oosannananai kuqaa mifa inni faqa inni niku nisauku faqa marasainaqa asumu marifaranoo.

Yooseefaafa kafaa qimanniminoo qinau. Doo innee qini daaqa aniaqee qufaqa misa mina aaqa aniroofanoo kafaa qimanniminoo qinau. Qinee inni nikaqa mariafanaqa innee feefauruara mamaree qini quqasoofaqa qini qifiqamaree Isipa maqa maaqaki ainainira faiqi kamma qisaqau.

Firaa aandaroo narirafa maa maqanasaa qaara aukuana marasee aiqaraifanoo moodaannai qisauku aukuana kaqi maridanoo. Mi kamuqoo fuka narana ummaqirafa faqa unakirafa faqa sia mariannoo.

Yooseefaafa narí afasausa mara maaqi qimasee qimanniminau. Qinee maana Yooseefaasa maridaa. Kuqaa fee qini qikoofa kaqi fee maridanoo fee. Miqi qufaqa mina afasausa mara tautu maseeqa naaquqoofaqa sia ufa qiqau.