1
1 Peetooroo 4:8
Anutuna Ufa
Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.
Compare
Explore 1 Peetooroo 4:8
2
1 Peetooroo 4:10
Anutufa afaarinoo oosana oosana ainaina akoofasaikirana niminnana aqoonnana dadaaqianeera niminoo sia inneeqara kai maqeeiaqeera niminoo. Innee Anutufa nimimari ainainnasaa amiqira rakisiranara foora rakisidaqa naadu naadu niminna ainaina akoofasaikirana marasee minannai niqoonausa dadaaqiaqa.
Explore 1 Peetooroo 4:10
3
1 Peetooroo 4:11
Amaana ufa qimannimimari fasiqafa Anutuna ufa kai qimannimiani. Faiqí dadaaqimariasa Anutufa nimimari afeekanannai afeekaikamasee niqoonausa dadaaqiaqa. Miqinanoo aiqama ainainiranaki asauku mundirana Yisunannai Anutuna amooqira ainaina kambiqafuannoo aiqama areenarafa faqa afeeka faqa naaru naaru marianinafa minaindi Yisunaindi kai maridanoo. Kuqaa.
Explore 1 Peetooroo 4:11
4
1 Peetooroo 4:16
Innee Yisuna ufara aupurarana maraseeqa sia minara nisauruaqa, Yisuna auqu maasasaa marinara Anutunara dufi dufi qiaqa.
Explore 1 Peetooroo 4:16
5
1 Peetooroo 4:7
Doo aiqama ainaina taikarafa adeediranoo maridanoo. Innee maqee maqee Anutunara innaaru qiraree qimasee inneeqa nimanara irisaida kai fuaqa maqee maqee aufaridaqa mariaqa. Innee sia miqiqa aaqara oosana mareeqa naqimasee Anutunara innaaruqifaree. Sia amanaikifara.
Explore 1 Peetooroo 4:7
6
1 Peetooroo 4:12-13
Oo qini qifaaqasaa qiqoondiuqa, qinee Peetooroosa qimannimidaqa. Innee Yisuna ufara aupurarana maree mariasa sia tautiaqa nanee moo manda ainaina maasaki kambiqeenoo fee qimasee munari minari sia iaqa. Kaqi asasa kai iaqa. Maasa asauku mundirana aupurarana naida qimina maraidee kai qimasee asasiaqa. Miqifanoo innaarunaindari mina kaaqa areenarafa faqa kooroomambinaqa maasa asasirana qumbiqarausa marianaura.
Explore 1 Peetooroo 4:12-13
7
1 Peetooroo 4:9
Innee narí maaqaki narí maaqaki keeqafi narana suqasee naraaree naraareemasaida naa. Anaamuru faqa paqurimandee miqi kai iaqa. Sia aundura rumbee marinana miqia aundura idukinoo marinana miqia.
Explore 1 Peetooroo 4:9
8
1 Peetooroo 4:19
Minara iriseeqa Anutuna iriranasaa aupurarana maree mariasa nári amiqira mariranannai nári nifaaqa nári auquqoo fasiqanasaa nári nifaaqa amiqimasee quqasee marifaranoo. Inni auqufa ooqai qima afeekaikammaqoofa marifanoo doo miqoo kai fuannoo sia rakeeiannoo.
Explore 1 Peetooroo 4:19
9
1 Peetooroo 4:1-2
Asauku mundirafa afaaqasaa aupurarana narí apatasaa maranau. Innee miqiannee qimasee afeekaikamandee deedaqammasee mariaqa. Yisuna ufasaara nipatasaa nidafirana mareemariasa miqooqari sia mandoosanna maree mariannai ubeekeefaranoo nikooqaina amiqira aanai ubeekeefaranoo. Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.
Explore 1 Peetooroo 4:1-2
10
1 Peetooroo 4:14
Oo qini qifaaqasaa qiqoondiuqa, qinee Peetooroosa qimannimidaqa. Innee Yisuna ufasaara aupurarana maree mariasa asasiaqa kaaqa areenarana maraquna Anutuna maraquna maasa naakinoo maridanoo fee qimasee asasiaqa.
Explore 1 Peetooroo 4:14
Home
Bible
Plans
Videos