Popular Bible Verses from Wlɔ 6

Share

Sa, nyinyi 'la dluuplʋlɩɛ ‑ɩ ‑glɩ 'lɛ 'kwɩ, ‑ma lʋʋa Laagɔ 'la 'nyɩ 'lɛ ‑anyɩ 'kpɔkpɔ na, ʋmʋ ‑ʋ ‑glɩ 'lɛ jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na, 'nyɩ ‑ala ‑Kwlenyɔ Zozi Klisi nɩkplaan ‑a 'lɩlɩʋ 'lɛ.

‑Masa, nyinyii cɩ 'tanɩ anyɩ ‑jioli 'kʋ kalɩlɩ, ‑ofi lebhe a 'tanɩ ‑jlɩmaa ‑zɔn ‑kʋ, ‑ma a ‑kʋnɩ Laagɔ 'la dananɔa ‑zɔn.

Na, ‑a ya 'lɛ ɔla 'kwɩa nɩkplaan 'nyuwluzʋlʋɔ na, ‑a -yɔɔsɔ ya ‑zizieo, ɩya saa Toa 'la 'klʋagbaa -bho 'lɛ Klisi 'kwɩɩn 'kʋ na, ‑anyɩ ‑ma ‑a ka 'namʋ ‑lelu namʋ.

A 'la 'ma ala 'nyɛkɛa 'la 'blɩa ɩya a 'la plii wɔlɩa ‑ɩ 'ta 'lɛ 'kʋnylugolu na 'la tavʋlɩɩ, ɩya a 'la lobhoanɩ nyinyi. ‑Ma ‑jajanyaa ‑ɔ ya 'lɛ 'kwɩɩnkʋbho na 'bhisa, a 'ma ala 'nyɛkɛa 'la 'blɩa ɩya a plii 'kʋnylugolulɩɛ 'la tavʋlɩɩ, ɩya a lobho Laagɔ.

Na, ‑a 'nu ɩmɩ ‑naa 'nanɩ. ‑Godogodonclɔɔa ‑a ‑glɩa 'lɛ na, ɔya Klisi ma bholʋ 'lɛ nebhlo dabhlalɩsua 'ciin le nyinyinyɛkɛ ‑naa 'ka nyumo, ɩya ‑a 'la kanɩ nyinyi 'la geye 'plɩ.

'Sɛtɛɛ bhlogbɩɩ anyɩ ‑ma, a 'cla acɩ lebhe a ya 'ku, 'nyɩ aya nyinyi ya cɩsasalɩ, 'nyɩ aya Zozi Klisi ‑kʋnɩ 'lɛ Laagɔ 'la gbʋ.

Na, wɔɔsaa ‑a nabhe ‑a kaa 'lɛ nyɩtɛ bha? Ka ‑a cɩ ka 'lɛ nyinyia nɩkplaan kʋ, ɩya Laagɔ 'la ‑danaanɔa 'ka 'kʋzʋlʋzʋlʋ bha? Ɩ 'ta sɛɛ ‑kʋ! ‑Masa, ‑a ya 'ku nyinyi 'la gbazɔ. Na, 'nsasa ‑a ‑cɩ ka ‑awlɩɩ 'lɛ nɩkplaan namʋnʋ bha?

A 'ta sɛɛ ‑ci lebhe, gbazɩ a ‑ka acɩ nclɔɔ ‑zɔn fa geye 'bhisa, le a 'kɔɔ lobho, ɩya a 'kɔɔ zʋ na, ɔmɔa a zʋ 'lɛ na, ɔla geye a ‑glɩ 'lɛ bha? A cɩ nyinyi, ‑ɩ lamʋ 'lɛ 'kwɩ na 'la geye 'plɩ, ‑aana a cɩ Laagɔ 'la zʋlɩɛa ‑ɩ lamʋ 'lɛ 'kʋnylugolulɩɛ na 'la geye 'plɩ.

‑Ma ‑a bhɔlʋ Laagɔ! Sa a ‑glɩa nyinyi 'la geye, ‑ma a yanɩ ŋonu, ala pɔlɩa 'ciin, lebhe a cɩ cacawɔlɩa ‑a 'wlalɩ 'lɛ 'kʋ, 'nyɩ a 'nu 'lɛ na 'kʋ 'plɩlɩ. Na, Laagɔ ya 'lɛ anyɩ nyinyia 'la geylia nɩkplaan ‑sa na, a yanɩ 'kʋnylugolulɩɛ 'la geye 'plɩ.