Popular Bible Verses from Mat 7

Share

A 'clalɩ, ‑ma ma cɩ anyɩ 'nyɩ. A 'matɩ, ‑ma a cɩ 'lɩ. A bhuti gbinea, ‑ma ma cɩa anyɩ kalɩ.

‑Masa, ncaatʋtʋʋntʋa ‑ɔ 'clalɩ 'lɛ na, ma nyɩɔ, ɔmɔa ‑ɔ 'matɩ 'lɛ na, ɔ lɩ 'nyɩ ɔmɔa ‑ɔ bhuti 'lɛ gbine na, ma cɩɔ ma kalɩ.

Na, ncaatʋtʋʋntʋa ‑ɔ nu 'lɛ wɔlɩ ‑naa, n wlʋ 'lɛ nyɩtɛda 'nyɩ ‑ɔ 'plɩlɩɩ 'lɛ 'kʋ na, ɔla gbɩa ‑kʋ le dɩgalɩnyɔa ‑ɔ 'slalɩ 'lɛ ɔla ‑palʋa cokwie 'kʋ na.

Na, ɩmɩa ‑tɛtɛa a ‑wa 'lɛ lebhe ncɛlɩ nʋ ɩya ma 'nyɩ anyɩ na, anyɩ 'titi a nʋɩ ɩya a 'nyɩ maa. Ɩmɩ ‑jlɩmaa ɩya Laagɔnekʋnyɩtɛnyaa* 'clalɩ 'lɛ.

‑Ma jabhʋa 'la gbinea ‑glɩ -lɩɩ co 'nyɩ ʋla ‑gugwiea ‑mɛmɛnɩɔ 'lɛ cɩ. Maa ‑ɔ lɩɛ 'lɛ na, ma 'ta ‑zu.

A bleli gbinicoa neen. Sa, gbinea ɩya ‑gugwiea ‑ɩ fa 'lɛ 'kwɩ neen na, ka ɩ ‑lɛlɩɔ 'lɛ neen 'nyɩ maa ‑ɔ 'plɩlɩ 'lɛ 'yɛpɩ na, maa ‑ɔ ‑zu 'lɛ.

Na, anyɩa ‑ɔ ‑nyu 'lɛ na, a ‑ka ala 'cuo ‑lɩɩ 'nanɩ 'nyɩsa ‑ci na, 'nsasa a Toa ‑ɔ ‑kʋ 'lɛ ‑laagɔɔn na, 'ɔ cɩ 'taa 'lɛ ‑lɩɩ 'nanɩ, maa ‑ɔ 'clalɩɔ 'lɛ mɩ na, 'nyɩ bha?

«A 'la ‑plaa a 'ye 'tɩtɩ, ɩya ma 'la ka anyɩ 'tɩtɩpla. Sa, 'tɩtɩa a cɩ 'ka 'lɛ a 'ye ‑pla na, ɩmɩ ma cɩ 'ka 'lɛ anyɩ ‑pla ɩya ‑bɩɔlʋʋa a 'ka 'lɛ 'ma, a 'ka a 'ye ‑bɩɔ na, ma 'kʋʋ 'ma ɩya ma 'ka anyɩ ‑bɩɔ.

‑Ma ncaatʋtʋʋntʋa, ‑ɔ nu 'lɛ wɔlɩ ‑naa n wlʋ 'lɛ nyɩtɛda 'nyɩ ‑ɔ 'plɩlɩ 'tɩɩ 'lɛ 'kʋ na, ɔla gbɩa ‑kʋ le ‑badaaglunyɔa ‑ɔ ya 'lɛ ɔla ‑palʋa 'nyonu 'kʋ 'slalɩ na.

'Lɩsaa 'la gbʋ, ‑n kopea 'lɛ fʋfʋa ‑ʋ ‑kʋ ‑n bholi 'la 'cia nɩkplaan na 'ciin 'nyɩ ‑n 'ta 'lɛ ‑bhlɔlʋa ‑ʋ ‑kʋ 'lɛ ‑mɔ 'titi ‑naa 'cia nɩkplaan na, ‑jlɛ bha? Na, ‑bhlɔlʋa ‑kʋɔ 'lɛ ‑sa 'ciin ‑bhlɛ na, 'nsasa ‑n cɩ 'kaa 'lɛ mino ɩya ‑n ka 'lɛ ‑n bholi 'cla lebhe: Kʋ 'cɩɩ ɩya n 'kɔɔ fʋfʋa 'ciin ‑sa bha?

A zʋlʋ yooyo Laagɔnekʋnyɩtɛnyaa ‑ɔ cili 'lɛ anyɩ 'bɩɩn 'bhlabhlɩku nɩkplaan 'nyɩ maa 'titi ‑glɩ 'lɛ danyunokɔɔngoye na, pɔlɛ 'kʋ. Mala 'caa ma cɩ 'ka 'lɛ 'ma ɩya ma 'ka 'lɛ maa cibhlili. Ka ma salɩ ‑ghlɛzɛɛnca 'ŋubhlukpo 'ciin bha? ‑Aana 'figica, 'ŋusu 'ciin bha?

‑Ghɛɛ, su 'nanʋ, 'ca 'nana ʋ tlʋ 'lɛ 'nyɩ su ‑nyunyu tlʋ 'lɛ 'ca ‑nyinyi.

Su 'nanʋ, 'ʋ cɩ 'ta 'ca ‑nyinyi tlʋ 'nyɩ su ‑nyunyu, 'ʋ cɩ 'ta 'ca 'nana tlʋ.

Su 'tʋtʋʋntʋa ‑ʋ tlʋ 'ta 'lɛ 'ca 'nana na, ka ma dɩʋ 'lɛ 'nyɩ ma ‑pʋʋ 'lɛ ‑kosuun.